رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
یکسر اس پُر امن فضا میں جانے کیسا شور کُھلا
چیخ اُٹھا خاموش گڈریا، جنگل جاگا، شور کھلا
دُور سے دیکھ کے لگتا تھا خاموش رہے گا ایسے ہی
جب دریا میں اُتر گئے تو، ہم پر اس کا شور کھلا
شوخ طبیعت تھی اپنی اور باتیں ختم نہ ہوتی تھیں
چُپ کے معنی کُھل گئے ہم پر اک دن ایسا شور کھلا
سانس کا بوجھ نہیں، اور لگے بھاری بھی
اپنا دشمن بھی میں خود مجھ سے مِری یاری بھی
کام کرنے کی بھی توفیق نہیں ہوتی مجھے
مجھ سے دیکھی نہیں جاتی مِری بیکاری بھی
سامنے ہے وہ مگر چھو نہیں سکتا میں اسے
ہے سہولت بھی میسر مجھے دشواری بھی
After death
کچھ منٹ ہی ہوئے ہیں کہ میں
وہ جو زندہ و موجود تھا، مر گیا
شہر والو سنو
میرے مرنے کا اعلان کرتا ہوں میں
باپ کہتا ہے؛ جیسا بھی تھا، میرا بیٹا تو تھا
تجھ دل فریب جسم کے نقشے میں کچھ نہیں
اے خوش جمال حسن کے حصے میں کچھ نہیں
بدشکل ہو کے پُرسکوں ہوتا ہوں اور میں
یہ بولتا ہوں چاند کے جلوے میں کچھ نہیں
رنگ و سرابِ ہستئ دل بدمزہ ہے دوست
عمرِ رواں کے ایک بھی لمحے میں کچھ نہیں
چراغ جلنے لگے تو ہوا نہیں دیتا
فقیر ہوں میں کبھی بد دعا نہیں دیتا
تو کیا اسی لیے دنیا نہیں توازن میں؟
وہ جرم دیکھ کے فوراً سزا نہیں دیتا
تُو ایک بار تو کہتا کہ؛ کاش ایسا ہو
میں آسمان زمیں سے ملا نہیں دیتا
ہمارے حال پہ کچھ رحم کیجیے سائیں
ہمارے زخم ابھی تک نہیں بھرے سائیں
ہمارے خواب ادھورے پڑے ہیں آنکھوں میں
ہمارے درد مکمل نہ ہو سکے سائیں
ہمارے وقت سے پہلے مرے ہوئے کچھ لوگ
ہمارے واسطے وجہِ سکون تھے سائیں
آسماں زاد اور زمین افسوس
کیا مکاں اور کیا مکین افسوس
میری حالت پہ جو ہوا اس کو
وہ ہے دنیا کا بہترین افسوس
دام حسن و جمال خالی ہے
اے پری زاد! مہ جبین افسوس
تمہیں کیا فرق پڑتا ہے
کہ ایڈِیسن نے بلب اِیجاد کرنے کے لیے
کتنی اذیت کا سفر کاٹا
تمہیں تو اپنی آنکھوں کی سہولت ہے
جہاں چاہو
وہاں پر روشنی کر دو
کوئی فضائے آہ و فغاں میں نہیں رہا
اس بے سکون دل کے جہاں میں نہیں رہا
اتنا نہیں کہ صرف مری ماں نہیں رہی
میں اب خدا کے حفظ و اماں میں نہیں رہا
اس دکھ پہ میرے ساتھ پرندے شریک ہیں
اک پیڑ تھا جو میرے مکاں میں نہیں رہا
دل گلی دیر تک اداس رہی
شاعری دیر تک اداس رہی
میں نے پھینکا نہ جھیل میں پتھر
جل پری دیر تک اداس رہی
اب کوئی بھی نہیں اندھیرے میں
روشنی دیر تک اداس رہی
