تجھے بھی جانچتے اپنا بھی امتحان کرتے

 تجھے بھی جانچتے اپنا بھی امتحان کرتے

کہیں چراغ جلاتے، کہیں دھواں کرتے

سفینہ ڈوب رہا تھا، تو کیوں نہ یاد آیا

تِری طلب، تِرے ارماں کو بادباں کرتے

ہوا تھی تیز، جلاتے رہے دلوں کے چراغ

کٹی ہے عمر، لہو اپنا رائیگاں کرتے

دنیا کا یہ اعزاز یہ انعام بہت ہے

 دنیا کا یہ اعزاز یہ انعام بہت ہے

مجھ پر تِرے اکرام کا الزام بہت ہے

اس عمر میں یہ موڑ اچانک یہ ملاقات

خوش گام ابھی گردش ایام بہت ہے

بجھتی ہوئی صبحیں ہوں کہ جلتی ہوئی راتیں 

تجھ سے یہ ملاقات سرِ شام بہت ہے 

اک گزارش ہے بس اتنا کیجیے

 اک گزارش ہے بس اتنا کیجیۓ

جب کبھی فرصت ہو آیا کیجیۓ

لوگ اس کا بھی غلط مطلب نہ لیں

اجنبیت سے نہ دیکھا کیجیۓ

خود کو اپنی آنکھ سے دیکھا تو ہے

اب مِری آنکھوں سے دیکھا کیجیۓ

زندگی کاوش باطل ہے مرا ساتھ نہ چھوڑ

 زندگی کاوشِ باطل ہے مِرا ساتھ نہ چھوڑ

تو ہی اک عمر کا حاصل ہے مرا ساتھ نہ چھوڑ

لوگ ملتے ہیں سر راہ گزر جاتے ہیں

تو ہی اک ہم سفر دل ہے مرا ساتھ نہ چھوڑ

تو نے سوچا ہے مجھے تو نے سنوارا ہے مجھے

تو مرا ذہن مرا دل ہے مرا ساتھ نہ چھوڑ

اپنے کھوئے ہوئے لمحات کو پایا تھا کبھی

 اپنے کھوئے ہوئے لمحات کو پایا تھا کبھی

میں نے کچھ وقت تِرے ساتھ گزارا تھا کبھی

آپ کو میرے تعارف کی ضرورت کیا ہے

میں وہی ہوں کہ جسے آپ نے چاہا تھا کبھی

اب اگر اشک اُمنڈتے ہیں تو پی جاتا ہوں

حوصلہ آپ کے دامن نے بڑھایا تھا کبھی

دلوں کے رنگ عجب رابطہ ہے کتنی دیر

 دلوں کے رنگ عجب رابطہ ہے کتنی دیر

وہ آشنا ہے مگر آشنا ہے کتنی دیر

نئی ہوا ہے کریں مشعلِ ہوس روشن

کہ شمعِ درد چراغِ وفا ہے کتنی دیر

اب آرزو کو تِری بے صدا بھی ہونا ہے

تِرے فقیر کے لب پر دعا ہے کتنی دیر

حرف دل نارسا ہے ترے شہر میں

حرفِ دلِ نارسا ہے تِرے شہر میں 

ہر صدا بے صدا ہے ترے شہر میں 

کوئی خوشبو کی جھنکار سنتا نہیں 

کون سا گل کھلا ہے ترے شہر میں 

کب دھنک سو گئی کب ستارے بجھے 

کوئی کب سوچتا ہے ترے شہر میں 

بھرا ہوا تری یادوں کا جام کتنا تھا

بھرا ہوا تِری یادوں کا جام کتنا تھا 

سحر کے وقت تقاضائے شام کتنا تھا 

رخِ زوال پہ رنگِ دوام کتنا تھا 

کہ گھٹ کے بھی مِرا ماہِ تمام کتنا تھا 

تھا تیرے ناز کو کتنا مِری انا کا خیال 

مِرا غرور بھی تیرا غلام کتنا تھا 

شکریہ تیرا کہ غم کا حوصلہ رہنے دیا

شکریہ تیرا، کہ غم کا حوصلہ رہنے دیا 

بے اثر کر دی دعا دستِ دعا رہنے دیا 

منصفی کا شورِ محشر گونجتا رہنے دیا 

سب دلیلوں کو سنا اور فیصلہ رہنے دیا 

اے خدا ممنون ہوں تیرا کہ میرے پھول میں 

تُو نے خوشبوئے ہوس، رنگِ وفا رہنے دیا 

ترے خیال کا شعلہ تھما تھما سا تھا

تِرے خیال کا شعلہ تھما تھما سا تھا 

تمام شہرِ تمنا، بجھا بجھا سا تھا 

نہ جانے موسمِ تلوار کس طرح گزرا 

مِرے لہو کا شجر تو جھکا جھکا سا تھا 

ہمیں بھی نیند نے تھپکی دی سو گئے تم بھی 

تمام حادثۂ شب، سنا سنا سا تھا 

ترا خیال سر شام غم سنورتا ہوا

تِرا خیال سرِ شام غم سنورتا ہوا

بہت قریب سے گزرا سلام کرتا ہوا

جھجک رہا تھا وہ مجھ سے نظر ملاتے ہوئے

کہ میں بھی تھا اسی خاکے میں رنگ بھرتا ہوا

مسافتیں بھی بہت اور سخت راہوں سے

گزر گیا ہے وہ مجھ کو تلاش کرتا ہوا

کئی سراب ملے تشنگی کے رستے میں

کئی سراب ملے تشنگی کے رستے میں

رکاوٹیں ہیں بہت روشنی کےرستے میں

ہمارا آپ کا، سر پھوڑنا مقدر ہے

صنم کھڑے ہیں ابھی آدمی کے رستے میں

ہے اس کا ساتھ تو لب پر یہی دعا ہے کہ پھر

نہ آئے اور کوئی زندگی کے رستے میں

دل اکیلا ہے بہت لالۂ صحرا کی طرح

دل اکیلا ہے بہت لالۂ صحرا کی طرح

تم نے بھی چھوڑ دیا ہے مجھے دنیا کی طرح

چھوڑ کے جاؤ نہ یوں عہدِ گریزاں کی طرح

بن کے امید رہو، وعدۂ فردا کی طرح

تم ہوا ہو، بکھیرو مجھے ساحل، ساحل

موجِ مۓ ہو تو بہا دو مجھے دریا کی طرح

بدمست شوق شاہد کون و مکاں ہے آج

بد مستِ شوق شاہدِ کون و مکاں ہے آج 

شاید فضا میں جذب مۓ ارغواں ہے آج

جو پندِ عقل و ہوش ہے وہ رائیگاں ہے آج 

حرفِ جنوں کے آگے خِرد بے زباں ہے آج 

برقِ جفا بھی خوف سے گِرتی نہیں جہاں

اک ایسی شاخِ گل پہ مِرا آشیاں ہے آج

ہمیں ہیں وہ کہ جنہیں بام و در سے رغبت تھی

ہمیں ہیں وہ کہ جنہیں بام و در سے رغبت تھی

کہ در بدر بھی اگر تھے تو گھر سے رغبت تھی

ہم اپنے حالِ دگرگوں کی اب خبر کیا دیں

خبر یہی ہے کہ اک بے خبر سے رغبت تھی

جبیں پہ خاکِ ندامت سجائے پھرتے ہیں

کہ رقصِ شعلہ سرود شرر سے رغبت تھی

رشتہ گونگے سفر کا

رشتہ گونگے سفر کا

میں بھٹکا ہوں 

کتنے سرابوں میں صحراؤں میں

کئی کارواں مجھ سے آگے گئے

ان کے نقشِ پا ابھی مشتمل ہیں

ابھی دھول نے ان پہ چادر بچھائی نہیں ہے

انکار میں اقرار کی بات آ ہی گئی ہے

انکار میں اقرار کی بات آ ہی گئی ہے
باتوں میں غمِ یار کی بات آ ہی گئی ہے
آیا ہے کبھی ذکر اگر دار و رسن کا
گیسو و قدِ یار کی بات آ ہی گئی ہے

آرائشِ عالم پہ کبھی بحث جو ٹھہری
اس گیسوئے خمدار کی بات آ ہی گئی ہے

اپنے رستے ہوئے زخموں کی قبا لایا ہوں

اپنے رِستے ہوئے زخموں کی قبا لایا ہوں
زندگی میری طرف دیکھ کہ میں آیا ہوں
تشنگی حد سے سوا تو نہ تھی میخواروں کی
جانے کیوں جام اٹھاتے ہوئے تھرایا ہوں

کام آئی ہے وہی زلف جو میری نہ ہوئی
وقت کی دھوپ میں جس وقت میں کمہلایا ہوں

یہ کیسے دور کا سقراط بن کے جینا تھا

یہ کیسے دور کا سقراط بن کے جینا تھا

بجائے زہر، مجھے گالیوں کو پینا تھا

وہاں تھی تندئ صہبا، یہاں شکستِ وجود

یہ سنگِ صبح ہے، وہ شب کا آبگینہ تھا

چھپی تھی موج کی بانہوں میں روحِ تشنہ لبی

چمکتی ریت میں ڈوبا ہوا سفینہ تھا

کوئی نگاہ و دل کا خریدار ہی نہ تھا

کوئی نگاہ و دل کا خریدار ہی نہ تھا

ہم نے دکاں سجائی تو بازار ہی نہ تھا

لے دے کے ایک وصل کی خیرات مانگ لی

جیسے کچھ اور شوق کو آزار ہی نہ تھا

نایاب تھے گہر ہی کی مانند خِشت و سنگ

یا اس نگر میں کوئی گنہ گار ہی نہ تھا