نہ چہرے سے نہ آنکھوں سے عیاں عشق

 نہ چہرے سے نہ آنکھوں سے عیاں عشق

ابھی دل پر تِرے اُترا کہاں عشق

ابھی تک صرف آوازیں سنی ہیں

ابھی تک لکھ رہی ہیں انگلیاں عشق

زباں پر اس قدر گردان کیوں ہے

تو کیسے ہوش میں کہتا ہے ہاں عشق

قیامت ہی آئے گی بینائی پھر بھی نہیں آئے گی

 ہجوم

قلم سے

پپوٹوں کے بستہ کواڑوں پہ آنکھیں بنانے کی عادت

نہیں جائے گی

قیامت ہی آئے گی، بینائی پھر بھی نہیں آئے گی

فیصل عظیم

انتشار

 انتشار

آنکھ کے اندر

آنکھ کے باہر

اور مبہم گہری سرحد پر

انتشار

فیصل عظیم

اوپر جاتی آخری سیڑھی

 بند دروازے

اوپر جاتی آخری سیڑھی

سب دروازے

بند، مقفل

کس دروازے پر دستک دوں؟

دستک دوں یا واپس پلٹوں؟

آخر کب تک؟

پریشاں ہو گئے آقا

 آقا

غلاموں کی صفوں سے آ رہی ہیں کیسی آوازیں

کہ جیسے آج ہر اک تختِ شاہی کو گرا دیں گے

کہ جیسے ہر جلالِ بادشاہی کو جلا دیں گے

پریشاں ہو گئے آقا

ابھی تو کچھ دِیوں کی روشنی ہے آپ کی زد میں

ابھی تو کچھ اضافہ اور ہو گا آپ کے قد میں

کہاں دور سرمایہ داری گیا

 کہاں دورِ سرمایہ داری گیا

کہاں دورِ سرمایہ داری گیا؟

تماشہ گیا یا مداری گیا؟

ابھی تو وہی سیم و زر تن پہ ہے

تماشہ ابھی اپنے جوبن پہ ہے

نظر تو حقیقت میں خیرہ ہے اب

دہن سب کا حیرت نے چیرا ہے اب

مجھ پہ ڈالو نہ ایسے جھکا کر نظر

مجھ پہ ڈالو نہ ایسے جھکا کر نظر

میرے بس میں نہیں میرا دل اس قدر

سب نے یوں مل کے گھیرا خدا کی پنہ

رنگ، عارض، لب و زلف، نظریں، کمر

اور کس زاویے سے لگاؤ گے چوٹ

اب ہٹا بھی چکو اپنی ترچھی نظر

اب کسی تصویر کی رعنائیاں باتیں کریں

اب کسی تصویر کی رعنائیاں باتیں کریں

میں تو چپ ہوں اب مِری تنہائیاں باتیں کریں

اتنی دیواروں میں اک دیوار ہی سمجھا مجھے

آ کے میرے سائے میں پرچھائیاں باتیں کریں

روکنا بھی ناروا ہے، ٹوکنا بھی ناگوار

کان تب ہوتے ہیں جب رسوائیاں باتیں کریں

جیون ساتھی

جیون ساتھی

آنکھ سے آنسو بہا کر

خوف کے عالم میں

جیون کے کئی لمحے بِتا کر

اور لہو اپنا ہی پی پی کر

بہت کڑھ کڑھ کے جی کر بھی

ایک جزیرہ تیرے گھر کا ایک جزیرہ میرے گھر کا

ایک جزیرہ تیرے گھر کا

ایک جزیرہ میرے گھر کا

ایک جزیرہ  بازاروں کا

ایک جزیرہ وہ ہے جس پر خود کو بیچ کے آ جاتا ہوں

ایک جزیرہ خوشیوں کا ہے

ایک جزیرے پر مسجد ہے

میری آنکھوں سے دیکھو

میری آنکھوں سے دیکھو

اک روز اپنے آپ کو میں نے

خلا کی وُسعتوں سے جھانک کر دیکھا

تو وحشت میں پلٹ آیا

کہیں پر، دور، اک نُقطہ سا روشن تھا

کہ جس میں غور سے دیکھیں تو اک ذرہ دکھائی دے

جسے کل رات بھر پوجا گیا تھا

جسے کل رات بھر پوجا گیا تھا

وہ بت کیوں صبح کو ٹوٹا ہوا تھا

اگر سچ کی حقیقت اب کھلی ہے

تو جو اَب تک نظر آیا تھا، کیا تھا؟

اگر یہ تلخیوں کی ابتداء ہے

تو اب تک کون سا امرت پیا تھا

ڈال رکھا ہے یہاں سانپوں نے ڈیرا کیا کروں

ڈال رکھا ہے یہاں سانپوں نے ڈیرا، کیا کروں
بس گیا ہے رُوح کے اندر سپیرا، کیا کروں
شہر میں لے کر تو میں نکلا ہوں اِک روشن دِیا
ہے مگر میرے تعاقب میں اَندھیرا، کیا کروں
اب نگاہوں میں کوئی چہرہ سماتا ہی نہیں
خواب کرتے ہیں اِن آنکھوں میں بسیرا، کیا کروں

تبدیلی سے پہلے کا یہ موسم دیکھا بھالا ہے

تبدیلی سے پہلے کا یہ موسم دیکھا بھالا ہے
حبس علامت ہے اس کی، طوفان، جو آنے والا ہے
اپنے گِرد بچھا ہے ظلمت کی سازِش کا جال، مگر
ہاتھوں میں جب آ جائے تو یہ مکڑی کا جالا ہے
دولت اور طاقت کے نشے میں قدروں کی پامالی
ہم نے یہی منظر دیکھا ہے جب سے ہوش سنبھالا ہے

کاغذوں پر لکھ دیا ہر ایک لمحے کا عذاب

کاغذوں پر لکھ دیا ہر ایک لمحے کا عذاب

اپنے ماتھے کی لکیریں، اپنی آنکھوں کے سراب

ہر گزرتا پَل مجھے ڈستا ہے ناگن کی طرح

کوئی وحشت کی کہانی ہے کہ یادوں کی کتاب

مصلحت نے عشقِ سادہ کو معمہ کر دیا

اس کا اِک واضح اشارہ، میرا پیچیدہ جواب

کبھی قطرہ کبھی دریا کبھی غرقاب ہوتا ہوں

کبھی قطرہ، کبھی دریا، کبھی غرقاب ہوتا ہوں
کبھی اپنے لیے بھی کس قدر نایاب ہوتا ہوں
میں صحرا ہوں مگر تُو تو سمندر ہو کے پیاسا ہے
میں اپنے ہی سرابوں سے بہت سیراب ہوتا ہوں
ابھی تو دستِ ساقی میں چھلکتا جام ہوں گویا
اگر میں ہاتھ سے چھوٹوں تو پھر زہراب ہوتا ہوں