گردش مقدر کا سلسلہ جو چل جائے

 گردشِ مقدر کا سلسلہ جو چل جائے

دوسرا عتاب آئے اک بلا جو ٹل جائے

حجرۂ گریباں میں ہر جواب روشن ہے

بس ذرا نگاہوں کا زاویہ بدل جائے

آنسوؤں کے بہنے کا یہ اثر تو ہوتا ہے

غم ذرا سا ڈھل جائے دل بھی کچھ سنبھل جائے

مرے چاروں طرف ایک آہنی دیوار کیوں ہے

 مِرے چاروں طرف ایک آہنی دیوار کیوں ہے

اگر سچا ہوں میں سچ کا مقدر ہار کیوں ہے

نشاط و انبساط و شادمانی زیست ٹھہری

تو بتلائے کوئی جینا مجھے آزار کیوں ہے

مسافت زندگی ہے اور دنیا اک سرائے

تو اس تمثیل میں طوفان کا کردار کیوں ہے

روبرو بت کے دعا کی بھول ہو جائے تو پھر

 رُوبرُو بُت کے دُعا کی بھُول ہو جائے تو پھر

اور پھر وہ ہی دعا مقبول ہو جائے تو پھر

میں بڑھاؤں ہاتھ جس کانٹے کی جانب شوق سے

ہاتھ میں آ کر وہ کانٹا پھُول ہو جائے تو پھر

بادبانوں پر ہوا ہو مہرباں، اور دفعتاً

ٹکڑے ٹکڑے ناؤ کا مستول ہو جائے تو پھر

درون حلقۂ زنجیر ہوں میں

 درونِ حلقۂ زنجیر ہوں میں

شکستہ خواب کی تعبیر ہوں میں

مجھے حیرت سے یوں وہ تک رہا ہے

کہ جیسے میں نہیں تصویر ہوں میں

مِری باتیں تو زہریلی بہت ہیں

مگر تریاق کی تاثیر ہوں میں

مسافروں کے یہ وہم و گماں میں تھا ہی نہیں

 مسافروں کے یہ وہم و گماں میں تھا ہی نہیں

کہ راہبر تو کوئی کارواں میں تھا ہی نہیں

سوال یہ ہے کہ پھر آگ لگ گئی کیسے

کوئی دِیا تو اندھیرے مکاں میں تھا ہی نہیں

اُٹھا لیے گئے ہتھیار پھر تحفظ کو

کہ شہر امن میں کوئی اماں میں تھا ہی نہیں

حصول رزق کے ارماں نکالتے گزری

 حصولِ رزق کے ارماں نکالتے گزری

حیات ایک سے سِکے ہی ڈالتے گزری

مسافرت کی صعوبت میں عمر بِیت گئی

بچی تو پاؤں سے کانٹے نکالتے گزری

ہوا نے جشن منائے وہ انتظار کی رات

چراغِ حجرۂ فُرقت سنبھالتے گزری