نظر کو چار کرنے کا کرو پہلے ہنر پیدا

 نظر کو چار کرنے کا کرو پہلے ہُنر پیدا

بہت مُشکل سے ہوتی ہے محبت کی ڈگر پیدا

کئی تعویذ لکھوائے، دِئیے نذرانے کِتنوں کو

بڑی منت سماجت پر ہوا لختِ جگر پیدا

ہزاروں ناز نخرے بیویوں کے سہنے پڑتے ہیں

کبھی ہوتا ہے دردِ سر، کبھی دردِ کمر پیدا

حاضر شراب تاڑی مدک اور افیون ہے

 زعفرانی کلام

حاضر شراب تاڑی مدک اور افیون ہے

اس پر بھی ان پہ طاری سیاسی جنون ہے

بیگم نے خوب مجھ سے جھگڑتے ہوئے کہا

"آزادئ وطن میں ہمارا بھی خون ہے"

وہ اس طرح سے مجھ پہ جھڑپتی ہے رات دن

جیسے دماغ اس کا مئی ہے کہ جون ہے

محمد مصطفیٰ کی دو جہاں میں حکمرانی ہے

 عارفانہ کلام حمد نعت منقبت

محمد مصطفیٰﷺ کی دو جہاں میں حکمرانی ہے

مدینہ جس کو کہتے ہیں وہ ان کی راجدھانی ہے

معطر ذکر سرورﷺ سے ہماری زندگانی ہے

جدھر نظریں اٹھاتا ہوں ادھر ہی شادمانی ہے

قیامت کی گھڑی ہم کو بھلا کیسے ڈرائے گی

رسول اللہﷺ کی حاصل ہمیں جب نگہبانی ہے

میرے مالک مجھے ہوا کیا ہے

 زعفرانی کلام

میرے مالک مجھے ہوا کیا ہے؟

کیا مرض ہے بتا، دوا کیا ہے؟

بھیڑ گھر ہے کیوں حسینوں کی

تُو ہی بتلا دے ماجرا کیا ہے؟

اک نظر دیکھ لوں میں لیلیٰ کو

باپ اس کا مگر کھڑا کیا ہے

ہر سمت انتشار ہے بھیا کے راج میں

زعفرانی کلام (قطعات)

ہر سمت انتشار ہے بھیا کے راج میں

ہر آدمی لاچار ہے بھیا کے راج میں

بیٹی کے ہاتھ پیلے ہوں کیسے بتائیں چونچ

ٹھپ سارا کاروبار ہے بھیا کے راج میں

٭

رعب دنیا پہ کچھ اس طرح جما لیتا ہے

اپنے قدموں میں زمانے کو جھکا لیتا ہے

جس کو دیکھا نہ کبھی ہم نے تلاوت کرتے

وہ قسم کھانے کو قرآن اٹھا لیتا ہے

٭

وہ سناتن ہو کہ اسلام یا سکھ، عیسائی

سارے مذہب نے ہمیں صرف محبت دی ہے

جھُوٹا الزام لگا کر یہ بتا دو ہم کو

ماب لنچنگ کی تمہیں کس نے اجازت دی ہے

چونچ گیاوی