محمد مصطفیٰ کی دو جہاں میں حکمرانی ہے

 عارفانہ کلام حمد نعت منقبت

محمد مصطفیٰﷺ کی دو جہاں میں حکمرانی ہے

مدینہ جس کو کہتے ہیں وہ ان کی راجدھانی ہے

معطر ذکر سرورﷺ سے ہماری زندگانی ہے

جدھر نظریں اٹھاتا ہوں ادھر ہی شادمانی ہے

قیامت کی گھڑی ہم کو بھلا کیسے ڈرائے گی

رسول اللہﷺ کی حاصل ہمیں جب نگہبانی ہے

فرشتے مرحبا صل علیٰﷺ کا ورد کرتے ہیں

جہاں میں جشن میلادالنبیﷺ کی شادمانی ہے

خدائے پاک نے ان کا کبھی سایہ نہیں رکھا

نہ کوئی ہم صفت ان سا، نہ کوئی ان کا ثانی ہے

ہوئی بیمار جب بڑھیا عیادت کو نبیﷺ پہنچے

ہوئی اسلام میں داخل، کہا کہ مہربانی ہے

ابھی کچھ سال پہلے کی خبر سے ہو گیا ثابت

رسول پاکﷺ کی رہبر حیات جاودانی ہے

چونچ گیاوی