اے یادگار شہر اجل وصل جاں میں رہ

اے یادگارِ شہرِ اجل، وصلِ جاں میں رہ

اے ہجرتوں کے پیڑ، نظر کی اماں میں رہ

خوابوں کے نم کدے سے گزر کر زمیں پہ آ

شیرینئ خیال میں،۔۔ آبِ گماں میں رہ

اس گمشدہ وجود کی خوشبو کو ڈھونڈنے

گم گشتہ سبزہ زار کی راہِ رواں میں رہ

خوابوں کی باد غم چلی یادوں کا نمکدہ کھلا

خوابوں کی بادِ غم چلی، یادوں کا نم کدہ کُھلا

ساۓ میں چِیڑ کے مِری آنکھوں پہ کیا سے کیا کھلا

جتنا قدیم وقت⏲ ہے، اُتنا قدیم ہے فسوں

اور اس سے بھی قدیم تر ہے ہجرِ سوختہ، کھلا

جادوئی ریگزار تھے میرے تمیارے درمیاں

میرے تمہارے درمیاں پُر ہول فاصلہ کھلا

ہمیشگی کے پرندوں کو رنگ بھائے نہیں

ہمیشگی کے پرندوں کو رنگ بھائے نہیں

وہ سبز پانی پہ اڑ کر بھی مسکرائے نہیں

تمام ہوتی ہوئی راہ سے بلائے نہیں

ہوا سے کہہ دو مجھے نیند سے جگائے نہیں

لے اپنا دل مِرے داغوں کی چھاؤں سے بھر لے

پھر اس سے آگے شفق تک کوئی سرائے نہیں

وہ کون ہیں جو گلے سے لگائے رکھتے ہیں

وہ کون ہیں جو گلے سے لگائے رکھتے ہیں

سِرے سے ہیں ہی نہیں پھر بھی سائے رکھتے ہیں

بہار بن کے تمنا کھلائے رکھتے ہیں

خزاں مزاج بھی کیا ظرف ہائے رکھتے ہیں

وہ میری آگ کو رکھتے ہیں اپنے سِینے میں

وہ میری لَو سے مِرا دل بچائے رکھتے ہیں

اف گلستاں میں بہاروں کا قضا ہو جانا

اف گلستاں میں بہاروں کا قضا ہو جانا

ہائے رستے میں ہی یاروں کا جدا ہو جانا

راہِ پُر خار میں نامُوسِ وطن کی خاطر

بے خطر جاں نثاروں کا فدا ہو جانا

ہونا تاریخ میں ایمان فروشوں کا ذلیل

کم نظر حرص کے ماروں کا فنا ہو جانا

میں نے ہاتھ ہوا کا تھاما ساتھ چلا آنسو

💧میں نے ہاتھ ہوا کا تھاما ساتھ چلا آنسو

خانۂ دل میں شام کی راکھ کا ڈھیر ہوا آنسو

تُو ہے، تیری آنکھیں ہیں افلاک کے بھاؤ بھید

میں ہوں، میرے ساتھ پرانے خواب، دِیا، آنسو

میری زمیں کے چار وسائل چار ہی روپ سروپ

دیوانے اور باداموں کے پھول، وفا، آنسو

شکستہ لشکروں کی تشنگی ہوں

شکستہ لشکروں کی تشنگی ہوں

میں صحراؤں کے ساحل پر پڑی ہوں

ہمیشہ جو رہے، وہ نِیستی ہوں

بقا کے دائروں میں گھومتی ہوں

تِرے سینے میِں ہوں محوِ سفر میں

خلا ہوں اور تجھ میں پھیلتی ہوں

ایک سا چہرہ ایک سی حیرت ایک ہوا خشکابوں کی

ایک سا چہرہ ایک سی حیرت ایک ہوا خُشکابوں کی

کاریزوں کی پِیلاہٹ، اور کچی نیند سرابوں کی

دِیواروں کو چاٹ رہی تھی سبزی مائل ایک بَلا

دروازے مبہوت تھے تصویروں میں پاک کتابوں کی

جلادوں کی قہرآلود آنکھوں کی اوٹ میں شفقت ہو

کوڑے مارنے والے ہاتھوں میں لرزش ہو خوابوں کی

بدی کا ترانہ

Axiom of Evil

(بدی کا ترانہ)

میں اپنی موت سے باہر کھڑی اک اور دنیا ہوں

مِرے زہریلے پانی کے سمندر میں

خداؤں کے جہاز اندھے کھڑے ہیں

مِرے صحراؤں میں کوڑوں کی ضربوں سے

غلاموں کے بدن نیلے پڑے ہیں

جنگلوں میں گھنی جھاڑیوں سے نکلتی ہوئی

The Axiom of Infinity

جنگلوں میں گھنی جھاڑیوں سے نکلتی ہوئی

کس نے دیکھی تھیں

صحراؤں میں تِشنگی ناپتی

ڈر کے غاروں میں سہمے ہوئے

چار پایوں کے تن پہ برستی ہوئی مہرباں وُسعتیں؟

وسائل؛ سکھ کے موسم کی نظموں سے

وسائل

سُکھ کے موسم کی نظموں سے

لفظوں کے مُردوں کی بُو پھیلتی جا رہی ہے یہاں

جبکہ سازِ بقا کی صداؤں میں محرومیوں

بے بسیوں کی آہیں گھٹی جاتی ہیں

آپ اپنے جگر نوچ ڈالے ہیں عشاق نے

نادم ہیں قافلے ترے

The Separated Lands of Time

نادِم ہیں قافلے تِرے

شرمندہ سارباں

صبحیں تِری بلاؤں کے رنگوں سے ضوفشاں

ہر رات قہرِ جاوداں

ہر شام بد گماں

پیلی ہے خامشی تِری