گنہگاروں کی بخشش گر انہیں منظور ہو جائے

 گُنہگاروں کی بخشش گر انہیں منظور ہو جائے

سیاہی نامۂ عِصیاں کی خُود کافُور ہو جائے

گئی تھیں دُور تک چِھینٹیں لہُو کی ذبح کرنے میں

ہمارے قتل کا قِصہ نہ کیوں مشہُور ہو جائے

اسیرِ گیسُوئے پُر پیچ کو کیا لُطف جینے کا

شبِ فُرقت کی تاریکی اگر کافُور ہو جائے

اسی کو حق ہے تمنائے لطف یار کرے

 اسی کو حق ہے تمنائے لطف یار کرے

جو آپ اپنی محبت پہ اعتبار کرے

بہت بجا یہ ترا مشورہ ہے اے واعظ

بھری بہار میں پرہیز بادہ خوار کرے

فسردگی سے بدل دے شگفتگی دل کی

جو چاہے ایک اشارے میں چشمِ یار کرے

جہان خود غرض میں کون کس کے کام آتا ہے

 جہان خود غرض میں کون کس کے کام آتا ہے

جو کام آتا ہے تو تنہا دلِ💔 ناکام آتا ہے

ہوا ہے اور نہ ایسا ہو گا اب خونریز عالم میں

لہو دیتی ہے دل کی رگ جب ان کا نام آتا ہے

لُنڈھائیں خُم کے خُم سیراب اور پیاسوں کے حصے میں

صُراحی ہے نہ مِینا ہے، نہ کوئی جام🍷 آتا ہے

جسے ہے عشق ختم المرسلین سے

 عارفانہ کلام حمد نعت منقبت

جسے ہے عشق ختم المرسلیں سے

وہ فارغ ہے غمِ دنیا و دیں سے

محمدﷺ جب نہ تھے دنیا تھی تاریک

ضیاء پھیلی اسی مہرِ مبیں سے

مخاطب کون ہے جُز ذاتِ احمدﷺ

خطابِ رحمۃ اللعالمیںﷺ سے

درد دل اس سے بیاں کرتا ہے ناداں کوئی

دردِ دل اس سے بیاں کرتا ہے ناداں کوئی

سُن کے جو کہہ دے کہ اس کا نہیں درماں کوئی

دولت ہوش و خِرد بھی وہ لُٹا دیتے ہیں

تیرے دیوانے نہیں رکھتے ہیں ساماں کوئی

دفن ہیں حسرت و ارماں کی ہزاروں لاشیں

دل سے پہلو میں کہ ہے گورِ غریباں کوئی