نکتہ چینی جو فن کا ڈھب ٹھہرے
پھر کہاں ہم سا بے ادب ٹھہرے
زندگی تُو نے کیا دیا ہم کو
ہم تِرے در پہ بے سبب ٹھہرے
کیسے کہتا میں دل کی بات اُنہیں
وہ مِرے آس پاس کب ٹھہرے
کیا کمی ہے سرائے اُلفت میں
لوگ اب ٹھہرے اور نہ تب ٹھہرے
شدّتِ درد اور میں خاموش
نالے سب دل کے زیرِ لب ٹھہرے
تم سے مِلنے کی آخری شب ہے
اور کچھ دیر کو یہ شب ٹھہرے
کیا کشش قبر گاہ میں ہے نظر
بچے بوڑھے جوان سب ٹھہرے
بدنام نظر
سلطان عالمگیر
No comments:
Post a Comment