مدحت سرکار میں لازم ہے خوئے احتیاط

 عارفانہ کلام حمد نعت منقبت

مِدحتِ سرکار میں لازم ہے خُوئے احتیاط 

یعنی پہلے فکر کو لے جاوٴ سُوئے احتیاط 

ضبط کر اے دل وفورِ شوق در شہرِ نبیﷺ 

ہوش کر اے گِریہ تُو بھی کہ ہے کُوئے احتیاط 

قط  لگاوٴ یوں قلم خُوش خط لکھے نعتِ نبیﷺ

نعت کے ہر لفظ سے آتی ہو بُوئے احتیاط  

رخ انور سے آئی روشنی سنسار میں پہلے

 عارفانہ کلام حمد نعت منقبت

رخِ انورؐ سے آئی روشنی سنسار میں پہلے

چمک ایسی نہیں تھی ثابت و سیّار میں پہلے

خدا کا تذکرہ ہو یا بُتانِ دہر کی باتیں 

وہی اقرار میں اول وہی انکار میں پہلے

پرِ پرواز آقاؐ نے ودیعت کر دئیے ان کو

فشانی تو بہت تھی جعفرِ طیّارؓ میں پہلے

سات رنگوں میں وہی رنگ نمایاں ہو گا

 سات رنگوں میں وہی رنگ نمایاں ہو گا  

یعنی وہ نقشۂ ارژنگ نمایاں ہو گا 

آئینہ صاف کیا جائے وگرنہ اس میں 

عکس چھپ جائے گا اور زنگ نمایاں ہو گا 

سات سُر ایک ہی لے میں مجھے لانا ہوں گے 

تب کہیں جا کے یہ آہنگ نمایاں ہو گا 

یعنی کہ ابھی خواب ہے جاری نہ گئی رات

 یعنی کہ ابھی خواب ہے جاری، نہ گئی رات

دن بھی نکل آیا پہ ہماری نہ گئی رات

رنگوں کے تعاقب میں گزارا  نہ گیا دن

خوشبو کی معیت میں گزاری نہ گئی رات

اک خواب کی تعظیم میں  بستر نہ لپیٹا

اک وعدۂ تعبیر پہ ہاری نہ گئی رات

جونہی اس حسن فسوں خیز پہ تنقید بڑھی

 جونہی اس حسنِ فسوں خیز پہ تنقید بڑھی 

میرا آواز اٹھانا تھا کہ تائید بڑھی 

بے سبب آنکھ لپکتی نہیں منظر کی طرف

پھول نے رنگ جمایا تو مِری دِید بڑھی  

مجتہد کون ہوا؟ دِینِ محبت میں یہاں 

پائے تحقیق اٹھانے سے بھی تقلید بڑھی 

سینے سے کھینچ کے دل ہاتھ میں لے آئے ہیں

 سینے سے کھینچ کے دل ہاتھ میں لے آئے ہیں 

یعنی، مرکز کو مضافات میں لے آئے ہیں 

آرزو لائے ہیں یوں مجمعِ آلام میں ہم 

اک پری جیسے کہ جنّات میں لے آئے ہیں 

جان خمیازہ ہے عُجلت کا یہ سُن لیں منصور 

حرفِ آخر تو شروعات میں لے آئے ہیں 

کہنے کو مشت خاک ابابیل کا بدن

 کہنے کو مُشتِ خاک ابابیل کا بدن

چاہے تو چھید ڈالے یہی فیل کا بدن

خوگر طوافِ کرسئ یزداں کا کیوں نہ ہو

خامہ ہے میرا یہ نہیں جبریل کا بدن

شہ رگ پہ کوتوالِ جہنم مزاج ہے

پگھلے نہیں تو کیا کرے قندیل کا بدن

نقش بر آب کناروں کے میاں ڈوبتا ہے

 نقش بر آب کناروں کے میاں ڈوبتا ہے

آنکھ سیلاب اٹھائے تو سماں ڈوبتا ہے

مُردہ اجسام تہِ آب نہیں رہ سکتے

ابھی زندہ ہے مِرا دل کہ یہاں ڈوبتا ہے

حکم آیا ہے کہ چِڑیاں نہ چہکنے پائیں

یہ چہکتی ہیں تو پھر شورِ سَگاں ڈوبتا ہے