سات رنگوں میں وہی رنگ نمایاں ہو گا
یعنی وہ نقشۂ ارژنگ نمایاں ہو گا
آئینہ صاف کیا جائے وگرنہ اس میں
عکس چھپ جائے گا اور زنگ نمایاں ہو گا
سات سُر ایک ہی لے میں مجھے لانا ہوں گے
تب کہیں جا کے یہ آہنگ نمایاں ہو گا
بر طرف کیجے تکلف کی ضرورت کیا ہے
ایسے جامے سے تو انگ انگ نمایاں ہو گا
نامناسب ہے کہ محفل میں اشارہ کیجے
ایک ہی ہے وہ جبیں تنگ نمایاں ہو گا
عصمت اللہ نیازی
No comments:
Post a Comment