جاتے جاتے لب فریاد بھی لیتے جاتے

 جاتے جاتے لبِ فریاد بھی لیتے جاتے

یاد کیوں چھوڑ گئے یاد بھی لیتے جاتے

مجھے معلوم تھا مطلب کے ہی فنکار ہو تم

سو اس ہنر کی ذرا داد ہی لیتے جاتے

ہم شرافت میں تِرے حسن کے ناظر ہی رہے

ورنہ تھوڑا سا تو پرساد ہی لیتے جاتے

آخری وقت گھڑی بھر کو ذرا رُک جاتے

اور اپنا آپ مِرے بعد ہی لیتے جاتے

بڑی حسرت تھی تِرے ساتھ کسی پل رُک کر

تِری خوشبو، تِری آواز ہی لیتے جاتے

عجیب لگ رہا ہے اس طرح جانا مجھ کو

دِلِ ناشاد کو ناشاد ہی لیتے جاتے

ساز و آواز گئے، رنگ اور انداز گیا

علی! تم ساتھ یہ الفاظ بھی لیتے جاتے

علی سرمد