خدا کے حکم جب سارے جہانوں میں پڑے ہوں گے
تماشے سیف کیا کیا آسمانوں میں پڑے ہوں گے
مِرے جو خواب مغوی ہو گئے تھے پچھلی دنیا میں
کہیں محشر کے آسیبی مکانوں میں پڑے ہوں گے
کسی کی وہ گھنی زلفیں کہیں سایہ فگن ہوں گی
کسی کے خط ابھی تک ڈاک خانوں میں پڑے ہوں گے
محبت قصہ پارینہ بنی ہو گی دماغوں میں
محبت کے لقب سارے فسانوں میں پڑے ہوں گے
خدا نے موت کا عنصر دیا تشکیل جب ہو گا
کروڑوں حادثے جا کر زمانوں میں پڑے ہوں گے
مہک تیرے بدن کی سرد کمبل میں جمی ہو گی
مِرے سگرٹ ابھی تک راکھ دانوں میں پڑے ہوں گے
سیف خان
No comments:
Post a Comment