حصہ بنا کے پیار کو اپنے شِعار کا
ہر دم خیال کیجیے سب کے وقار کا
دولت کے بل پہ آپ نہ اِترائیے جناب
پھر خوب حَظ اٹھائیں گے اس کے خمار کا
تپ چڑھ گئی ہے آپ کو، تپنے میں ہے مزہ
پر کچھ علاج کیجیۓ اپنے بخار کا
پتھر کو جونک لگتی نہیں، اور ضرب سے
ہوتا نہیں اثر کبھی پتھر پہ وار کا
دنیا میں رہ کے سمجھے نہ اس کے مزاج کو
ہم کو ملا نہ ساتھ کسی وضعدار کا
اپنی خوشی میں آپ رہے خوب منہمک
آیا نہ تب خیال مِرے دلفگار کا
ہم کو عبادتوں سے فرائض سے ہے غرض
کرتے ہیں شکر، شکر ہے پروردگار کا
نازیہ حسن نزی
No comments:
Post a Comment