عجب ہے کیف عجب ہے خمار آنکھوں میں

 عارفانہ کلام حمد نعت منقبت

عجب ہے کیف عجب ہے خُمار آنکھوں میں

بسا ہوا ہے نبیﷺ کا دیار آنکھوں میں

جو آئی یادِ مدینہ تو آنسوؤں کی طرح

چُھپا لیا ہے اسے بے قرار آنکھوں میں

مجھے تلاش نہیں سُرمہ بصیرت کی

ہے ان کی راہگُزر کا غُبار آنکھوں میں

اے نگار وطن تو سلامت رہے

 ملی نغمہ؛ اے نگارِ وطن تو سلامت رہے

اے نگارِ وطن تُو سلامت رہے

مانگ تیری ستاروں سے بھر دیں گے ہم 

تُو سلامت رہے

سبز پرچم تیرا، چاند تارے تیرے

تیری بزمِ نگاری کے عنوان ہیں

تیری گلیاں، تیرے شہر، تیرے چمن

تیرے ہونٹوں کی جُنبش پہ قُربان ہیں

جب تجھے روشنی کی ضرورت پڑی

اپنی محفل کے شمس و قمر دیں گے ہم

تُو سلامت رہے

ہو سکی تیرے رُخ پہ نہ قُرباں اگر

ائر کس کام آئے گی یہ زندگی

اپنے خوں سے بڑھاتے رہیں گے سدا

تیرے گُل رنگ چہرے کی تابندگی

جب بھی تیری نظر کا اشارہ مِلا

تحفۂ نفسِ جاں پیش کر دیں گے ہم

تو سلامت رہے

اے نگارِ وطن تُو سلامت رہے

شاعر لکھنوی

کمال کچھ نہ رہا صاحب کمال کے بعد

 عارفانہ کلام حمد نعت منقبت

کمال کچھ نہ رہا صاحبِ کمال کے بعد

ہر آئینہ ہوا دُھندلا تِرےؐ جمال کے بعد

تِریؐ عطا کی ہے ہم عاصیوں پہ یوں تقسیم

کچھ انفعال سے پہلے، کچھ انفعال کے بعد

دل انؐ کا گھر ہے وہ اس گھر میں آتے رہتے ہیں

کبھی خیال سے پہلے، کبھی خیال کے بعد

جدا ہو کر وہ ہم سے ہے جدا کیا

 جدا ہو کر وہ ہم سے ہے جدا کیا

سماعت کا صدا سے فاصلہ کیا

خود اپنے عالم حیرت کو دیکھے

تِرا منہ تک رہا ہے آئینہ کیا

اندھیرا ہو گیا ہے شہر بھر میں

کوئی دل جلتے جلتے بجھ گیا کیا

ان کا غم بھی نہ رہا پاس تو پھر کیا ہو گا

 ان کا غم بھی نہ رہا پاس تو پھر کیا ہو گا

لٹ گئی دولت احساس تو پھر کیا ہو گا

کون تا صبح جلائے گا تمنا کے چراغ

شام سے ٹوٹ گئی آس تو پھر کیا ہو گا

جن کی دوری میں وہ لذت ہے کہ بیتاب ہے دل

آ گئے وہ جو کہیں پاس تو پھر کیا ہو گا

ہوا کو اور بھی کچھ تیز کر گئے ہیں لوگ

 ہوا کو اور بھی کچھ تیز کر گئے ہیں لوگ

چراغ لے کے نہ جانے کدھر گئے ہیں لوگ

سفر کے شوق میں اتنے عذاب جھیلے ہیں

کہ اب تو قصدِ سفر ہی سے ڈر گئے ہیں لوگ

دھواں دھواں نظر آتی ہیں شہر کی گلیاں

سنا ہے آج سرِ شام گھر گئے ہیں لوگ

عقل جب تک جنوں شناس رہی

عقل جب تک جنوں شناس رہی

روشنی دل کے آس پاس رہی

پاس آیا نہ کوئی پروانہ

شمع کی لو بہت اداس رہی

بجھ گئے سینکڑوں چراغ، مگر

تجھ سے ملنے کی دل کو آس رہی

ساعت ہجر ہے بھی ہے کتنی بھلی

ساعتِ ہجر ہے بھی ہے کتنی بھلی

ایک لمحے میں ساری عمر ڈھلی

حاصلِ اعتبار تو دیکھو

اک تبسم پہ مطمئن ہے کلی

انتظارِ سحر میں تھے دونوں

شمع جب بجھ گئی تو رات جلی

دل میں ہیں زخم تمنا کتنے

دل میں ہیں زخمِ تمنا کتنے

پھول میں رنگ ہیں یکجا کتنے

ایک موہوم سی شہرت کے لیے

لوگ ہو جاتے ہیں رسوا کتنے

اک نیا روز بدلتی ہے لباس

پیراہن رکھتی ہے دنیا کتنے

دل میں احساس تمنا گم ہے

دل میں احساسِ تمنا گم ہے

ریت ہی ریت ہے دریا گم ہے

دل ہے اس ایک مسافر کی طرح

جو بھرے شہر میں تنہا گم ہے

پہلے صحرا میں تھے گم دیوانے

ہم جو آئے ہیں تو صحرا گم ہے

دار تک آئے حریم لب و رخسار سے لوگ

دار تک آئے حریم لب و رخسار سے لوگ

باخبر کتنے ہیں حالات کی رفتار سے لوگ

دوست بن جاتے ہیں پیرایۂ اظہار سے لوگ

زخم دینے کو بھی آتے ہیں بڑے پیار سے لوگ

پرسشِ غم سے نئے زخم کھلا دیتے ہیں

یہ سبک چہرہ، یہ معصوم، یہ غمخوار سے لوگ

کہیں تو عشق کی آوارگی کو رنگ ملے

کہیں تو عشق کی آوارگی کو رنگ ملے

دیارِ گل نہیں ملتا، دیارِ سنگ ملے

ہمارے خون میں نہا کر بہار جب گزری

دھواں دھواں تھے جو چہرے وہ رنگ رنگ ملے

تِری گلی میں نہ جائیں تو پھر کہاں جائیں

وہ لوگ، وسعتِ صحرا بھی جن کو تنگ ملے

جو غم حبیب سے دور تھے وہ خود اپنی آگ میں جل گئے

جو غمِ حبیب سے دور تھے وہ خود اپنی آگ میں جل گئے
جو غمِ حبیب کو پا گئے وہ غموں سے ہنس کے نکل گئے
جو تھکے تھکے سے تھے حوصلے وہ شباب بن کے مچل گئے
وہ نظر نظر سے گلے ملی تو بجھے چراغ بھی جل گئے
یہ شکستِ دید کی کروٹیں بھی بڑی لطیف و جمیل تھیں
میں نظر جھکا کے تڑپ گیا وہ نظر بچا کے نکل گئے

عشق بول اٹھتا ہے اظہار وفا سے پہلے

عشق بول اٹھتا ہے اظہارِ وفا سے پہلے
دل دھڑکتا ہے نگاہوں کی صدا سے پہلے
یہ پشیماں سی نظر، یہ عرق آلود جبیں
تم نہ تھے اتنے حسِیں ترکِ وفا سے پہلے
سوچتے ہیں اسے کس نام سے منسوب کریں
رنگ آتا ہے جو اس رخ پہ حیا سے پہلے

سزا یہی ہے کہ ان تک نہ کوئی جام آئے

سزا یہی ہے کہ ان تک نہ کوئی جام آئے
جو مے کدے میں گئے اور تشنہ کام آئے
خیالِ نکہتِ گیسو میں کچھ خبر نہ ہوئی
سنا ہے بادِ صبا کے بہت سلام آئے
فسانہ جب کبھی پامالئ چمن کا چھِڑا
زبانِ گُل پہ خود اہلِ چمن کے نام آئے

سرد ہے عشق کا بازار اب کے

سرد ہے عشق کا بازار اب کے
ہیں تہی دست خریدار اب کے
کٹ کے شاخوں سے گرے برگ و ثمر
فصلِ گُل ہو گئی تلوار اب کے
ہر گھڑی ایک ہی صورت کا جنوں
ہم نہیں دل کے طرفدار اب کے