دسمبر پانچ کا دن تھا اچانک یہ سوال آیا

 شہادت بابری مسجد

دسمبر پانچ کا دن تھا اچانک یہ سوال آیا

کہ میں بھی نظم لکھوں بابری پر یہ خیال آیا

اچانک دل یہ کہہ اٹھا کہ اس سے فائدہ کیا ہے

فقط منہ زور ہو جانے کا پیارے حوصلہ کیا ہے

سبب کیا تھا جو اب تک بھی ہمیں حاصل نہ ہو پائی

کہ اپنی ملکیت میں بابری شامل نہ ہو پائی

کاش اس کو بھی بچھڑنے پہ رنج و ملال ہو

 کاش اس کو بھی بچھڑنے پہ رنج و ملال ہو

جیسا ہمارا حال ہوا،۔ اس کا حال ہو

میری دعا ہے ان کا بلندی بنے نصیب

اور دوست چاہتے ہیں کہ میرا زوال ہو

خواہش نہیں کے ساتھ ہو لوگوں کا اژدہام

بس ایک ہو جو دوستی میں بے مثال ہو

یہ تیز گام جو طوفاں دکھائی دیتا ہے

 یہ تیز گام جو طوفاں دکھائی دیتا ہے

مجھے تباہی کا امکاں دکھائی دیتا ہے

کسی کو عشق یہ آساں دکھائی دیتا ہے

ہمیں تو جان کا نقصاں دکھائی دیتا ہے

جہاں سے درد ملا در وہ چھٹ نہیں سکتا

وہیں پہ درد کا درماں دکھائی دیتا ہے

کوئی دھنی کوئی بے زر ہے کیا کیا جائے

 کوئی دھنی، کوئی بے زر ہے کیا کیا جائے

کہ اپنا اپنا مقدر ہے،۔ کیا کیا جائے

وہ جس کے واسطے خود کو مٹا دیا ہم نے

وہ بے وفا ہے، ستمگر ہے کیا کیا جائے

کتابیں کاپیاں ہونی تھیں ان کے ہاتھوں میں

پر ان کے ہاتھ میں پتھر ہے کیا کیا جائے

میں آئینہ جیسا ہوں وہ پتھر کی طرح ہے

 میں آئینہ جیسا ہوں وہ پتھر کی طرح ہے

اور اس پہ رویہ بھی ستمگر کی طرح ہے

قطرہ جسے کہہ کر نظر انداز کیا تھا

اس شخص کی گہرائی سمندر کی طرح ہے

میں جس کو سمجھتا رہا پھولوں کی طرح نرم

وہ زندگی کانٹوں بھرے بستر کی طرح ہے