زباں ذکر الہیٰ سے کبھی خالی نہیں ہوتی

 زباں ذِکرِ الہیٰ سے کبھی خالی نہیں ہوتی

ہوں جیسے بھی مِرے حالات بدحالی نہیں ہوتی

یہاں زندہ دلوں پر ہی تو خُوشیاں راج کرتی ہیں

اگر چھائی ہو مایوسی تو خُوشحالی نہیں ہوتی

کبھی مُردہ دلوں کی حسرتیں پوری نہیں ہوتیں

مگر ایمانِ کامل سے بداعمالی نہیں ہوتی

اگر منزل ہی باطل ہو ڈگر سِیدھی نہیں ہوتی

مسافت راہِ حق پر ہو تو پامالی نہیں ہوتی

یہاں نظرِ جہاندیدہ بہت مسرُور ہوتی ہے

بدل ڈالے اگر دل سمت ہریالی نہیں ہوتی

میاں وقارالاسلام