آیا ہے نام لب پہ رسول کریم کا

عارفانہ کلام نعتیہ کلام

آیا ہے نام لب پہ رسول کریمﷺ کا

جلوہ تڑپ اٹھا ہے ریاضِ نعیم کا

بحر عدن میں لاکھوں ہیں لولوئے شاہوار

کچھ رنگ و روپ اور ہے دُر یتیمؐ کا

اے اہل بزم! جانبِ بطحا چلا ہوں میں

پیغام لے کے آیا ہے جھونکا نسیم کا

لطف خودی یہی ہے کہ شان بقا رہوں

لطفِ خودی یہی ہے کہ شانِ بقا رہوں 

انسان کے لباس میں بن کر خدا رہوں 

جب مجھ کو میرے سامنے آنے سے عار ہے 

کس حوصلے پہ تجھ کو خدا مانتا رہوں؟

پردے میں اک جھلک سی دکھانے سے فائدہ 

جلوے کو عام کر کہ تجھے دیکھتا رہوں 

پہنچے نہ جو مراد کو وہ مدعا ہوں میں

پہنچے نہ جو مراد کو وہ مدعا ہوں میں

ناکامیوں کی راہ میں خود کھو گیا ہوں میں

کہتے ہیں جس کو حسن اسی کا ہے نام عشق

دیکھو مجھے بغور کہ شانِ خدا ہوں میں

پردہ اٹھا کہ ہوش کی دنیا بدل گئی

حیران ہوں کہ سامنے کیا دیکھتا ہوں میں

سکون پایا ہے بے کسی نے حدود غم سے نکل گیا ہوں

عارفانہ کلام نعتیہ کلام

سکون پایا ہے بے کسی نے حدودِ غم سے نکل گیا ہوں

خیالِ حضرتؐ جب آ گیا ہے تو گرتے گرتے سنبھل گیا ہوں

کبھی میں صبحِ ازل گیا ہوں، کبھی میں شامِ ابد گیا ہوں

تلاشِ جاناں میں کتنی منزل خدا ہی جانے نکل گیا ہوں

حرم کی تپتی ہوئی زمیں پر جگر بچھانے کی آرزو تھی

بہارِِ خلدِ بریں ملی تو بچا کے دامن نکل گیا ہوں

خدایا حسن والوں پر عنایت یہ بھی کی ہوتی

خدایا حُسن والوں پر عنایت یہ بھی کی ہوتی

دہن شیریں تو بخشا تھا زباں شیریں بھی دی ہوتی

برابر کے تماشے میں غضب کی دل کشی ہوتی

بھڑکتے ہیں اِدھر شعلے، اُدھر بھی کچھ لگی ہوتی

سزا تو عقش نے پائی محبت کی عدالت میں

تقاضا یہ تھا پائے حُسن میں بیڑی پڑی ہوتی

بہار آئی کھلے گلہائے رنگیں لالہ زاروں میں

بہار آئی، کھِلے گلہائے رنگیں لالہ زاروں میں

قیامت کی تڑپ ہے آج تیرے بے قراروں میں

ہُوا جاتا ہے فاش اب راز کاوش ہائے پنہانی

مجھے کھینچے لیے جاتی ہے وحشت خارزاروں میں

کہاں تک اے دلِ مضطر! یہ شغلِ گِریۂ پیہم

جگر پارے بہے جاتے ہیں خونِیں آبشاروں میں

ہم پہنچ تو گئے ہیں در یار تک

ہم پہنچ تو گئے ہیں درِ یار تک

پھر بھی حاصل نہیں اس کا دیدار تک

شرم جرأت کی رہ جائے اب اے خدا

ہاتھ پہنچا مِرا دامنِ یار تک

ان کا خلوت کدہ اتنا ہی دور ہے

فاصلہ جس قدر گل سے ہے خار تک

موجوں نے ہاتھ دے کے ابھارا کبھی کبھی

موجوں نے ہاتھ دے کے ابھارا کبھی کبھی

پایا ہے ڈوب کر بھی کنارا کبھی کبھی

کرتی ہے تیغِ یار اشارا کبھی کبھی

ہوتا ہے امتحان ہمارا کبھی کبھی

چمکا ہے عشق کا بھی ستارا کبھی کبھی

مانگا ہے حسن نے بھی سہارا کبھی کبھی

جدا وہ ہوتے تو ہم ان کی جستجو کرتے

جدا وہ ہوتے تو ہم ان کی جستجو کرتے

الگ نہیں ہیں تو پھر کس کی آرزو کرتے

ملا نہ ہم کو کبھی عرضِ حال کا موقع

زباں نہ چلتی تو آنکھوں سے گفتگو کرتے

اگر یہ جانتے ہم بھی انہیں کی صورت ہیں

کمالِ شوق سے اپنی ہی آرزو کرتے

غم کی بستی عجیب بستی ہے

غم کی بستی عجیب بستی ہے
موت مہنگی ہے جان سستی ہے
میں اسے کیوں ادھر ادھر ڈھونڈوں
میری ہستی ہی اس کی ہستی ہے
عالم‌ شوق ہے عجب عالم
آسماں پر زمین بستی ہے

خواب ہی میں رخ پر نور دکھائے کوئی

خواب ہی میں رخ پر نُور دکھائے کوئی
غم میں راحت کا بھی پہلو نظر آئے کوئی
سامنے اس کے دل و جان و جگر میں رکھ دوں
ہاں مگر ہاتھ میں خنجر تو اٹھائے کوئی
اپنے ہی گھر میں ملا ڈھونڈ رہے تھے جس کو
اس کے پانے کے لیے خود ہی کو پائے کوئی