مرے کوزہ گر مجھے مان دے

 مِرے کوزہ گر مجھے مان دے

مجھے اپنے ہاتھ سے جام دے

مِرے دل کی دھرتی پہ دھر قدم

مجھے تو حسین سا نام دے

مجھے اپنے عہد میں باندھ لے

مجھے صندلیں سا پیام دے

سماں پر ہے غازہ شفق ڈھل رہا ہے

 سماں پر ہے غازہ، شفق ڈھل رہا ہے

فلک سے پرے بھی کوئی مل رہا ہے

عبادت ریا ہے ریاضت ریا ہے 

زمانہ یہ کیسی ڈگر چل رہا ہے 

وصالِ محبت تو کب ہے مقدر

جفا ہے سزا ہے، یہی کل رہا ہے 

کہاں تلک میں آ گیا ہوں خود کو بھول بھال کر

 کہاں تلک میں آ گیا ہوں خود کو بھول بھال کر

کدُورتوں کو چھوڑ دے او یار کچھ خیال کر

یوں راستے میں اک نظر کا التفات چہ سبب 

جگر ہے تو محبتوں کا سلسلہ بحال کر

بلندیوں کی آرزو بُری نہیں مگر یہ سُن 

انا کا بادبان چیر، عجز سے سوال کر

وہ دل ہی کیا جو کار محبت نہ کر سکا

وہ دل ہی کیا جو کار محبت نہ کر سکا

جلتا رہا خرد سے بغاوت نہ کر سکا

وہ مصلحت پسند، اسی دام میں رہا

سو عشق ماورائے روایت نہ کر سکا

کچھ تلخئ حیات نے فرصت نہ دی ہمیں

کچھ دل بھی اسکی سمت ریاضت نہ کر سکا

تم ساز ہو مضراب ہو انداز ہو احساس ہو

 تم ساز ہو، مضراب ہو، انداز ہو، احساس ہو 

تم زندگی، تم بندگی، اے ہم نشیں تم خاص ہو

تم بے کلی کی ہو دوا، تم بے بسی میں التجا

تم ہی دعا، تم ہی ردا، مجھ بے اماں کی آس ہو

تم مرحلہ، منزل ہو تم، تم آرزو، حاصل ہو تم 

تم صبح کی پہلی ضیا، گر دشت میں تم پیاس ہو