میں کیسے بھول سکتی ہوں حسیں منظر کراچی کے

 میں کیسے بھول سکتی ہوں حسیں منظر کراچی کے

مِری یادوں میں بستے ہیں وہ بحر و بر کراچی کے

مِری ہر ایک مشکل میں دلاسہ مجھ کو دیتے تھے

مِرے ہمراز ہیں اب تک وہ چارہ گر کراچی کے

مِری ہر ایک الجھن کا وہ کوئی حل بتاتے تھے

میں کیسے بھول سکتی ہوں سبھی دفتر کراچی کے

ہم اس کے سامنے حسن و جمال کیا رکھتے

 ہم اس کے سامنے حسن و جمال کیا رکھتے

جو بے مثال ہے اس کی مثال کیا رکھتے

جو بے وفائی کو اپنا ہنر سمجھتا ہے

ہم اس کے آگے وفا کا سوال کیا رکھتے

ہمارا دل کسی جاگیر سے نہیں ارزاں

ہم اس کے سامنے مال و منال کیا رکھتے

مرا قصہ بھی آئے گا وفا کی داستانوں میں

 مِرا قصہ بھی آئے گا وفا کی داستانوں میں

مجھے مت ڈھونڈتے رہنا جفا کی داستانوں میں

میں بنتِ حوا اک دن میں بدل دوں گی زمانے کو

مجھے مت قید کر ناز و ادا کی داستانوں میں

نظر انداز مجھ کو کر نہیں سکتی کبھی دنیا

مجھے لکھا گیا ذہن رسا کی داستانوں میں

سنو کلائی میں گجرے مرجھا سے گئے ہیں

 سنو

کلائی میں گجرے

مُرجھا سے گئے ہیں

آنکھوں میں کاجل

پھیل سا گیا ہے

لبوں پہ چُپ کا قُفل ہے

کبھی تعمیر ہوتی ہوں کبھی مسمار ہوتی ہوں

 کبھی تعمیر ہوتی ہوں کبھی مسمار ہوتی ہوں

کبھی آسان لگتی ہوں، کبھی دشوار ہوتی ہوں

مِرے ہر روپ میں ہی دلکشی قدرت نے رکھی ہے

کبھی خوشبو کے ہالے میں گل و گلزار ہوتی ہوں

کبھی محفل میں روز و شب ہوئے ہیں تذکرے میرے

کبھی بن کر خبر میں زینتِ اخبار ہوتی ہوں

تیری ڈگر کو میں اپنی نظر میں رکھتی ہوں

 تیری ڈگر کو، میں اپنی نظر میں رکھتی ہوں

ہزار پھول تیری راہ گزر میں رکھتی ہوں

میں تیری یاد کو آنچل میں باندھ لائی ہوں

تِرے خیال کو زادِ سفر میں رکھتی ہوں

تُو ایک پل بھی جدا مجھ سے ہو نہیں سکتا

میں تیری یاد کو شام و سحر میں رکھتی ہوں

کتنی دور سے چلتے چلتے خواب نگر تک آئی ہوں

 کتنی دور سے چلتے چلتے خواب نگر تک آئی ہوں

پاؤں میں میں چھالے سہہ کر اپنے گھر تک آئی ہوں

کالی رات کے سناٹے کو میں نے پیچھے چھوڑ دیا

شب بھر تارے گنتے گنتے دیکھ سحر تک آئی ہوں

لکھتے لکھتے لفظوں سے میری بھی کچھ پہچان ہوئی

ساری عمر کی پونجی لے کر آج ہنر تک آئی ہوں

دل ڈرا سہما سا ہے

 چیخ

دل ڈرا سہما سا ہے

ڈر کی عقوبت میں ٹھہرا سا ہے

موت کی خبروں کا گھیرا ہے

دنیا کے گرد عجب پھیرا ہے

دنیا خود میں سمٹ رہی ہے

ہم اس کے سامنے حسن و جمال کیا رکھتے

 ہم اس کے سامنے حسن و جمال کیا رکھتے

جو بے مثال ہے اس کی مثال کیا رکھتے

جو بے وفائی کو اپنا ہنر سمجھتا ہے

ہم اس کے آگے وفا کا سوال کیا رکھتے

ہمارا دل کسی جاگیر سے نہیں ارزاں

ہم اس کے سامنے مال و منال کیا رکھتے

اسے کہنا محبت دل کے تالے توڑ دیتی ہے

 اسے کہنا محبت دل کے تالے توڑ دیتی ہے

اسے کہنا محبت دو دلوں کو جوڑ دیتی ہے

اسے کہنا محبت نام ہے روحوں کے ملنے کا

اسے کہنا محبت نام ہے زخموں کے سلنے کا

اسے کہنا محبت تو دلوں میں روشنی بھر دے

اسے کہنا محبت پتھروں کو موم سا کر دے

کیسے بناؤں ہاتھ پر تصویر خواب کی

 کیسے بناؤں ہاتھ پر تصویر خواب کی

مجھ کو ملی نہ آج تک تعبیر خواب کی

آنکھوں سے نیند روٹھ کے جانے کدھر گئی

کٹتی نہیں ہے رات بھر زنجیر خواب کی

جس شہر میں ہو خواب چرانے کی واردات

کیسے کروں وہاں پہ میں تشہیر خواب کی