جس بھکاری کو کیا آپ کی رحمت نے نہال

 عارفانہ کلام حمد نعت منقبت

جس بھکاری کو کیا، آپ کی رحمت نے نہال

بخدا، اُس کے قدم چومتا ہے اوجِ کمال

اس توجہ کے تصدق، ہے اُنہیں کتنا خیال

سینکڑوں غم ہیں، مگر پھر بھی نہیں کوئی ملال

سوچتا رہتا ہوں ہر وقت، وہ کیسے ہوں گے

ڈوبنے دیتا نہیں جن کا مصیبت میں خیال

دل ٹھکانہ میرے حضور کا ہے

 عارفانہ کلام حمد نعت منقبت

دل ٹھکانہ میرے حضورﷺ کا ہے

یہ جلوہ خانہ میرے حضور کا ہے

ایک پل میں ہزاروں عالم میں

آنا جانا میرے حضور کا ہے

نعمتیں سب وہی کھلاتے ہیں

دانہ دانہ میرے حضور کا ہے

کر اہتمام بھی ایماں کی روشنی کے لیے

 عارفانہ کلام حمد نعت منقبت

کر اہتمام بھی ایماں کی روشنی کے لیے

درود شرط ہے ذکرِ محمدیﷺ کے لیے

تُلا ہوا ہے کرم بندہ پرورِی کے لیے

کُشادہ دامنِ رحمت ہے ہر کسی کے لیے

نہیں ہے حُسنِ عمل پاس آنسوؤں کے سِوا

چلا ہوں لے کے یہ موتی درِ نبیؐ کے لیے

رشتے تمام توڑ کے سارے جہاں سے ہم

 عارفانہ کلام حمد نعت منقبت

رشتے تمام توڑ کے سارے جہاں سے ہم

وابستہ ہو گئے ہیں تیرےﷺ آستاں سے ہم

ہر رُخ سے ہر جگہ تھی مصائب کی روشیں

اُنﷺ کا کرم نہ ہوتا تو بچتے کہاں سے ہم

ہم ہیں غلام، اُنﷺ کی غلامی پہ ناز ہے

پہچانے جائیں گے اسی نام و نشاں سے ہم

اب میری نگاہوں میں جچتا نہیں کوئی

 عارفانہ کلام حمد نعت منقبت

اب میری نگاہوں میں جچتا نہیں کوئی

جیسے میرے سرکارؐ ہیں ایسا نہیں کوئی

تم سا تو حسیں آنکھ نے دیکھا نہیں کوئی

یہ شان لطافت ہے کہ سایہ نہیں کوئی

اے ظرف نظر دیکھ مگر دیکھ ادب سے

سرکارؐ کا جلوہ ہے تماشہ نہیں کوئی

چلو دیار نبی کی جانب درود لب پر سجا سجا کر

 عارفانہ کلام حمد نعت منقبت

چلو دیارِ نبی کی جانب درود لب پر سجا سجا کر

بہار لوٹیں گے ہم کرم کی دلوں کو دامن بنا بنا کر

نہ اُن کے جیسا سخی ہے کوئی نہ اُن کے جیسا غنی ہے کوئی

وہ بے نواؤں کو ہر جگہ سے نوازتے ہیں بلا بلا کر

جو شاہکار ان کی یاد کے ہیں امانتاً عشق نے دیے ہیں

چراغِ منزل بنیں گے اک دن رکھو وہ آنسو بچا بچا کر

منگتے ہیں کرم ان کا سدا مانگ رہے ہیں

 عارفانہ کلام نعتیہ کلام

منگتے ہیں کرم انؐ کا سدا مانگ رہے ہیں

دن رات مدینے کی دعا مانگ رہے ہیں

ہر نعمتِ کونین ہے دامن میں ہمارے

ہم صدقۂ محبوبِؐ خدا مانگ رہے ہیں

اے دردِ محبت ابھی کچھ اور فزوں ہو

دیوانے تڑپنے کی ادا مانگ رہے ہیں

سرور رہتا ہے کیف دوام رہتا ہے

 عارفانہ کلام نعتیہ کلام

سُروُر رہتا ہے کیفِ دوام رہتا ہے

لبوں پہ میرے درودﷺ و سلام رہتا ہے

بری ہیں نارِ جہنم سے خدا کی قسم

وہ جس کو ذکرِ محمدﷺ سے کام رہتا ہے

جو ایک بار انہیںﷺ دیکھ لے مقدر سے

تمام عمر انہیںﷺ کا غلام رہتا ہے

ملا ہے عشق محمد سے یہ وقار مجھے

عارفانہ کلام نعتیہ کلام

مِلا ہے عشقِ محمدﷺ سے یہ وقار مجھے

کہ اب گدا نظر آتے ہیں شہریار مجھے

یہاں خیال ہے میرا نہ دل نہ دل کا قرار

بُلا ہی لیجیے آقائے نامدارﷺ مجھے

جہاں کہیں مِری گرداب میں گِھری کشتی

حضورﷺ ہی کے کرم نے کیا ہے پار مجھے

لبوں پہ میرے درود و سلام رہتا ہے

عارفانہ کلام نعتیہ کلام

سرور رہتا ہے، کیفِ دوام رہتا ہے

لبوں پہ میرے درود و سلام رہتا ہے

بَری ہیں نارِ جہنم سے خدا کی قسم

وہ جس کو ذکرِ محمدؐ سے کام رہتا ہے

جو ایک بار انہیںؐ دیکھ لے مقدر سے

تمام عمر انہیںﷺ کا غلام رہتا ہے

نوازے گئے ہم کچھ ایسی ادا سے

عارفانہ کلام نعتیہ کلام

نوازے گئے ہم کچھ ایسی ادا سے

غنی بن کے اٹھے درِ مصطفٰیؐ سے

طلب سے سوا بھیک دیتے ہیں آقاﷺ

بہت سارے ہے ان کو ہر بے نوا سے

غم مصطفٰیﷺ حاصل زندگی ہے

مِری زندگی ہے غم مصطفٰیﷺ سے

زباں محو ثنا ہے گنبد خضرا کے سائے میں

عارفانہ کلام نعتیہ کلام

زباں محو ثناء ہے گنبدِ خضرا کے سائے میں

مؤدب التجا ہے گنبد خضرا کے سائے میں

ہم اپنا دامنِ مقصود بھر لائے مرادوں سے

ہمیں سب کچھ ملا ہے گنبد خضرا کے سائے میں

کلام پاک دیتا ہے گواہی اس حقیقت کی

مقدر جاگتا ہے گنبد خضرا کے سائے میں

یہ سب تمہارا کرم ہے آقا کہ بات اب تک بنی ہوئی ہے

عارفانہ کلام نعتیہ کلام

کوئی سلیقہ ہے آرزو کا، نہ بندگی میری بندگی ہے

یہ سب تمہارا کرم ہے آقاؐ کہ بات اب تک بنی ہوئی ہے

کسی کا احسان کیوں اٹھائیں کسی کو حالات کیوں بتائیں

تمہی سے مانگیں گے تم ہی دو گے، تمہارے در سے ہی لو لگی ہے

عمل کی میرے اساس کیا ہے، بجز ندامت کے پاس کیا ہے

رہے سلامت بس اُنؐ کی نسبت، میرا تو بس آسرا یہی ہے

غم سبھی راحت و تسکین میں ڈھل جاتے ہیں

 وما ارسلنک الا رحمۃ اللعالمین

غم سبھی راحت و تسکین میں ڈھل جاتے ہیں

جب کرم ہوتا ہے, حالات بدل جاتے ہیں

انؐ کی رحمت ہے خطا پوش گنہ گاروں کی

کھوٹے سِکے سرِ بازار بھی چل جاتے ہیں

اسمِ احمدﷺ کا وظیفہ ہے ہر اک غم کا علاج

لاکھ خطرے ہوں اسیؐ نام سے ٹل جاتے ہیں

خاک سورج سے اندھیروں کا ازالہ ہو گا

 وما ارسلنک الا رحمۃ اللعالمین

خاک سورج سے اندھیروں کا ازالا ہو گا

آپﷺ آئیں تو میرے گھر میں اُجالا ہو گا

حشر میں ہو گا وہ سرکارؐ کے جھنڈے کے تلے

میرے سرکارﷺ کا جو چاہنے والا ہو گا

عشقِِ سرکارﷺ کی اک شمع جلا لو دل میں

بعد مرنے کے لحد میں بھی اُجالا ہو گا

یہ ناز یہ انداز ہمارے نہیں ہوتے

 وما ارسلنک الا رحمۃ اللعالمین

یہ ناز یہ انداز ہمارے نہیں ہوتے

دامن میں اگر ٹکڑے تمہارے نہیں ہوتے

ملتی نہ اگر بھیگ حضورؐ آپ کے در سے

اس ٹھاٹ سے منگتوں کے گزارے نہیں ہوتے

بے دام ہی بِک جائیں گے دربارِِ نبیﷺ میں

اس طرح کے سودے میں خسارے نہیں ہوتے

قربان میں ان کی بخشش کے مقصد بھی زباں پر آیا نہیں

وما ارسلنک الا رحمۃ اللعالمین

قربان میں اُنؐ کی بخشِش کے مقصد بھی زباں پر آیا نہیں
بِن مانگے دیا اور اتنا دیا، دامن میں ہمارے سمایا نہیں
آواز، کَرم دیتا ہی رہا، تھک ہار گئے لینے والے
منگتوں کی ہمیشہ لاج رکھی، محرُوم کوئی لوٹایا نہیں
رحمت کا بھرم بھی تُمؐ سے ہے، شفقت کا بھرم بھی تُمؐ سے ہے
ٹھکرائے ہوئے انساں کو بھی تُمؐ نے تو کبھی ٹھکرایا نہیں

ہے تیری عنایات کا ڈیرا میرے گھر میں

وما ارسلنک الا رحمۃ اللعالمین

ہے تیریؐ عنایات کا ڈیرا میرے گھر میں
سب تیراؐ ہے کچھ بھی نہیں میرا میرے گھر میں
جاگا تیریؐ نِسبت سے یہ تارِیک مُقدّر
آیا تیرےؐ آنے سے سویرا میرے گھر میں
مِدحت نے تیریؐ مجھ کو یہ اعزاز دیا ہے
ہے سارے اُجالوں کا بسیرا میرے گھر میں