یہ ناز یہ انداز ہمارے نہیں ہوتے

 وما ارسلنک الا رحمۃ اللعالمین

یہ ناز یہ انداز ہمارے نہیں ہوتے

دامن میں اگر ٹکڑے تمہارے نہیں ہوتے

ملتی نہ اگر بھیگ حضورؐ آپ کے در سے

اس ٹھاٹ سے منگتوں کے گزارے نہیں ہوتے

بے دام ہی بِک جائیں گے دربارِِ نبیﷺ میں

اس طرح کے سودے میں خسارے نہیں ہوتے

ہم جیسے نکموں کو گَلے کون لگاتا

سرکارﷺ اگر آپ ہمارے نہیں ہوتے

وہ چاہیں بُلا لیں جسے یہ ان کا کرم ہے

بے اذِن مدینے کے نظارے نہیں ہوتے

خالد یہ تقدس ہے فقط نعتﷺ کا، ورنہ

محشر میں تِرے وارے نیارے نہیں ہوتے

خالد محمود خالد

خالد محمود نقشبندی