کوئی پریمی کسی ادھ بدھ سی بھاشا میں اگر تم کو پکارے

 ارپن

کوئی پریمی کسی ادھ بُدھ سی 1 بھاشا میں اگر تم کو پکارے تو

تم اپنا من کسی مندر کی گھنٹی سا بجاتی دوڑتی جانا

کہیں گھنگھور برساتوں میں گھنگھرو زور سے باجے تو پائل توڑتی جانا

وہاں کُہرا جو کنگن سے لپٹ جائے تو چُنری میں چھپا لینا

کوئی سُندر  2چھوی نینوں میں دِکھتی ہو تو پلکوں کو جھکا لینا

اس سے پہلے کہ سارے شک جائیں

 اس سے پہلے کہ سارے شک جائیں 

دوست اچھی طرح بھڑک جائیں 

چل تیری آنکھ کی تلاشی لیں

چل ذرا تیرے خواب تک جائیں 

ہار جائیں انا کی بازی 

دونوں پلکیں اگر جھپک جائیں 

یہیں بدن میں کہیں دل کے پاس چبھ گئی ہے

 یہیں بدن میں کہیں، دل کے پاس چُبھ گئی ہے

تمہاری بات سے شہ رگ میں سانس چبھ گئی ہے

اب اتنی ڈھیر نزاکت کا کیا کرے کوئی؟

کسی کے پاؤں کے تلوؤں میں گھاس چبھ گئی ہے

محبتوں سے بھرے، چھوٹے گھر کی لڑکی کو

تمہارے لہجے کی ہائی کلاس چبھ گئی ہے

میں کوئی دھن لے کے آؤں تو اسے الفاظ دے

 میں کوئی دُھن لے کے آؤں، تُو اسے الفاظ دے

انگلیاں تھرکا لبوں پر، گیت گا، اور ساز دے

رنگ میرا گندمی سا، بال گھنگرالے سے ہوں

پھول لہجہ، دیپ آنکھیں، مشرقی انداز دے

رات میں چھت پر کھڑی یہ چاند سے کہنے لگی

آ، مجھے دل سے لگا، تنہائیوں کے راز دے

اب میرا انتظار کر

 اب میرا انتظار کر

میں جھلملاتی کسی کہکشاں سے اتری ہوئی

نہ جانے کون سی دنیا میں آن بیٹھی ہوں

یہ راستے تیری موجودگی کی خاک لیے

میرے وجود کے اس دشت سے گزرتے ہیں

تُو وقتِ فجر جہاں مجھ پہ آ کہ برسا تھا

جسم کے جزیرے میں دل کی ایک وادی ہے

 پانچواں موسم

جسم کے جزیرے میں

دل کی ایک وادی ہے

جس کے پانچ موسم ہیں

پہلے چار موسم کے

چند روز ڈھلنے پر

خوب برف پڑتی ہے

کوووڈ-۱۹پہلی بار یقین ہوا کہ دنیا گلوبل ولیج ہے

 کوووڈ-۱۹ 

Do not touch

پہلی بار یقین ہوا کہ دنیا گلوبل ولیج ہے

پانچ کی پانچ حِسوں پر ایک ساتھ حملہ ہوا ہے

نیو ورلڈ آرڈر کے تحت 

سوچنے اور سمجھنے کے علاوہ

چُھونے، چکھنے اور سونگھنے پر بھی پابندی ہے

خود کو دھتکارتی بد دعا کی طرح

 نظم سستی سہی آخری تو نہیں

خود کو دھتکارتی بد دعا کی طرح

بین کرتی ہوئی التجا کی طرح

جانے کتنی بلاؤں سے لڑتی ہوئی

خود سے ڈرتی ہوئی

روز مرتی ہوئی

‏چھاؤں میں کسی کی جب تیز دھوپ جیسی اک دوپہر میسر ہو

 ہے کوئی میرے جیسا

‏چھاؤں میں کسی کی جب

تیز دھوپ جیسی اک دوپہر میسر ہو

اس سمے میں کیا تم نے

خود کو اس کی آنکھوں کے دشت سے گزارا ہے؟

کیا کسی نے بھی اب تک تم کو اپنی سانسوں سے جسم میں اتارا ہے؟

آنکھ میں جتنے خواب بسے تھے ٹوٹ کے چکنا چور ہوئے

 آنکھ میں جتنے خواب بسے تھے ٹوٹ کے چکنا چور ہوئے

جو یہ منظر دیکھ رہے تھے ڈر کر فوراً دور ہوئے

رات عجب اک خوف بپا تھا ہوش کی خالی گلیوں میں

باری باری بہہ جانے پر سب آنسو مجبور ہوئے

میں نے اپنی پیشانی پہ سُرمے سے اک اسم لکھا

اور پلٹ کر جب دیکھا تو سارے پربت طُورہوئے

اس کو چاند کہہ دینا خود گلاب ہو جانا

 اس کو چاند کہہ دینا، خود گلاب ہو جانا

اور پھر تخیل کا لاجواب ہو جانا

خواہشوں کی مرضی ہے جس جگہ بھی وہ چاہیں

قید میں پڑے رہنا، بازیاب ہو جانا

حسن کی علامت ہوں، یا کوئی قیامت ہوں

یعنی تیری آنکھوں کا انتخاب ہو جانا

مجھ کو جو میسر تھا سنگ لے گیا ہے تو

مجھ کو جو میسر تھا سنگ لے گیا ہے تُو

یعنی میرے جیون سے، رنگ لے گیا ہے تو

کیسے گنگنائے گی، گیت کیسے گائے گی

چہچہاتی چڑیا کا "چنگ" لے گیا ہے تو

کس کے نام کی مہندی، کیسی کانچ کی چوڑی

میرے سج سنورنے کا، ڈھنگ لے گیا ہے تو

مرا ساتھ ابھی مت چھوڑ پیا

مجھے سانسوں کی ہے تھوڑ پیا

مِرا ساتھ ابھی مت چھوڑ پیا

کَری منت، زاری، ترلے سب

میں نے ہاتھ دئیے ہیں جوڑ پیا

مِری مانگ سندور سےخالی کر

ہَری چُوڑی آ کر توڑ پیا

وفا شناس ہوں اس بات کا خیال رہے

میں بدحواس ہوں، اس بات کا خیال رہے

بھرا گلاس ہوں، اس بات کا خیال رہے

یوں ہنستے ہنستے کسی بات پر بھی رو دوں گی

ذرا اداس ہوں،۔ اس بات کا خیال رہے

نہیں نہیں یہ ضروری نہیں کہ ٹھنڈی ہو

میں زرد گھاس ہوں، اس بات کا خیال رہے

سیپ مٹھی میں ہے آفاق بھی ہو سکتا ہے

سیپ مٹھی میں ہے، آفاق بھی ہو سکتا ہے

اور اگر چاہوں تو یہ خاک بھی ہو سکتا ہے

یہ جو معصوم سا ڈر ہے، کسی بچے جیسا

ایسے حالات میں سفاک بھی ہو سکتا ہے

آؤ اس تیسرے نکتے پہ بھی کچھ غور کریں

ہم جسے جفت کہیں، طاق بھی ہو سکتا ہے

میرا چہرہ بھولا او ماہی

میرا چہرا بھولا او ماہی

پر روپ سنپولا او ماہی

تیری تال سے تال ملا بیٹھی

میرا انگ انگ ڈولا او ماہی

کوئی راکھ پتنگوں والی ہو

جلے حسن کا شعلہ او ماہی

عشق بازار میں مٹنے کا سبب چاہتا ہے

ناچتے ناچتے محبوب کی چھب چاہتا ہے

عشق بازار میں مٹنے کا سبب چاہتا ہے

چیخ آنکھوں سے نکل آئی ہے لاوا بن کر

ہجر پھر گریہ کوئی آخرِ شب چاہتا ہے

میں تجلی سے تیری طور ہوئی جاتی ہوں

اور غضب یہ ہے کہ تو اور غضب چاہتا ہے

بیساکھی

بیساکھی

مجھے سنہرے گندم کے کھیت بہت بھاتے ہیں

چھک چِھک کرتی ریل

جب سرسوں کے کھیت سے گزرتی ہے

تو میں جانے انجانے کپاس چنتی لڑکیوں کا ساتھ چھوڑ کر

ریل کی طرف بھاگنے لگتی ہوں

تخلیق

تخلیق

سکوت کو چیر کر اترتے

قطرہ قطرہ حروف

ذہن میں نمو پاتے ہیں

تو میں نظموں کو جنم دیتی ہوں

خیال کی بالیدگی

کبھی ایک جملے

کبھی ایک نظر

فضا میں رنگ سے بکھرے ہیں چاندنی ہوئی ہے

فضا میں رنگ سے بکھرے ہیں چاندنی ہوئی ہے

کسی ستارے کی تتلی سے دوستی ہوئی ہے

مِری تمام ریاضت کا ایک حاصل ہے

وہی دعا جو تیرے نام سے جڑی ہوئی ہے

میں حادثے سے نکل آئی ہوں مگر دیکھو

زمین اب بھی میرے جسم پر پڑی ہوئی ہے