خوشی ہو یا کہ غم کوئی ہمیشہ ساتھ چلتا ہے

 خوشی ہو یا کہ غم کوئی ہمیشہ ساتھ چلتا ہے

تمہاری یاد کا ننھا فرشتہ ساتھ چلتا ہے

وفاداری نبھانے کا ہنر اس سے کوئی سیکھے

کٹے ہیں سارے پر، پھر بھی پرندہ ساتھ چلتا ہے

میں چاہوں بھی تو جُھٹلا نہ سکوں گا تیری اُلفت کو

ابھی تک تیری اُلفت کا وہ تحفہ ساتھ چلتا ہے

ثنا بیان کروں تیری مری مجال نہیں

 عارفانہ کلام حمد نعت منقبت

ثنا بیان کروں تیری مِری مجال نہیں

کہ صدیاں چاہیے لکھنے کو مہ و سال نہیں

تخیلات کی جنبش بھی تیری مرضی پر

مِرا خیال بھی آخر مِرا خیال نہیں

جہاں بھی ٹہرے نظر تیرا جلوہ پائے ہے

تُو لا زوال ہے ہر گز تِرا زوال نہیں

پھینکے جو میں نے سکے تو رشتہ بدل گیا

 پھینکے جو میں نے سکے تو رشتہ بدل گیا

سرکاری اسپتال میں بچہ بدل گیا

سوچا تھا آسمانوں کو چھو لیں گے ایک دن

آ کر تمہارے گاؤں میں حلیہ بدل گیا

پیسہ کمانے عورتیں گھر سے نکل پڑیں

اکیسویں صدی کا تقاضہ بدل گیا

تاج باقی ہیں نہ محلات خدا خیر کرے

 تاج باقی ہیں نہ محلات خدا خیر کرے

چھوڑ دو یارو! خرافات خدا خیر کرے

مدتوں بعد گلے مل گئے دشمن سارے

اب سُدھرنے کو ہیں حالات خدا خیر کرے

پیٹ کی آگ نے دنیا ہی جلا کر رکھ دی

اب نہ باقی رہے جذبات خدا خیر کرے

بہلانے سے دل میرا بہلتا بھی نہیں ہے

بہلانے سے دل میرا بہلتا بھی نہیں ہے

اب گھر میں کوئی کھیلتا بچہ بھی نہیں ہے

ٹوٹی ہوئی کشتی کا بھروسہ بھی نہیں ہے

رکنے کو سمندر میں جزیرہ بھی نہیں ہے

لگتی ہے بہر گام ہمیں عشق میں ٹھوکر

ہم سا کوئی پامالِ تمنا بھی نہیں ہے