گاہے گاہے جو ادھر آپ کرم کرتے ہیں

 گاہے گاہے جو اِدھر آپ کرم کرتے ہیں 

وہ ہیں اُٹھ جاتے ہیں یہ اور ستم کرتے ہیں 

جی نہ لگ جائے کہیں تجھ سے اسی واسطے بس 

رفتہ رفتہ ترے ہم ملنے کو کم کرتے ہیں 

واقعی یوں تو ذرا دیکھیو سبحان اللہ 

تیرے دکھلانے کو ہم چشم یہ نم کرتے ہیں 

کھول آغوش نہ تو مجھ سے رکاوٹ سے لپٹ

کھول آغوش نہ تُو مجھ سے رکاوٹ سے لپٹ

اب جو لپٹا ہے تو آ پیار کی کروٹ سے لپٹ

اس نے سر اپنا دھنا دیکھ شگافِ در سے

کر کے غش رہ گئے جو ہم اسکی چوکھٹ سے لپٹ

دھوم یہ بادہ کشوں کی ہے مۓ خانہ میں

مست جاتے ہیں صراحی کی غٹا غٹ سے لپٹ

تپش دل ہی سے ہم مل کے گلے بیٹھے ہیں

تپشِ دل ہی سے ہم مل کے گلے بیٹھے ہیں

چھیڑ مت شعلۂ گل بس کہ جلے بیٹھے ہیں

آہ کی دھونی لگا در پہ مِرے خاک نشیں

راکھ جوگی کی طرح منہ کو مَلے بیٹھے ہیں

سردی و گرمی و برسات جو ہو یا قسمت

تیری دیوار کے ہم سائے تلے بیٹھے ہیں

جس دم کہ ترے محو تجلی کو غش آیا

جس دم کہ تِرے محوِ تجلی کو غش آیا

لوگوں نے کہا کہ حضرتِ موسیٰ کو غش آیا

عکسِ رخِ ساقی سے ہوا جام جو روشن

خورشید یہ کانپا کہ مسیحا کو غش آیا

دیکھا جو ہم آغوش ہمیں اور تمہیں کل

بے خود ہو گِرا وامق و عذرا کو غش آیا

جگر کی آگ بجھے جلد جس میں وہ شے لا

جگر کی آگ بجھے جلد جس میں وہ شے لا

لگا کے برف میں ساقی صراحیٔ مئے لا

قدم کو ہاتھ لگاتا ہوں، اٹھ کہیں گھر چل

خدا کے واسطے اتنا تو پاؤں مت پھیلا

نکل کے وادیٔ وحشت سے دیکھ اے مجنوں

کہ زور دھن میں اب آتا ہے ناقۂ لیلا

دل ستم زدہ بے تابیوں نے لوٹ لیا

دلِ ستم زدہ بے تابیوں نے لُوٹ لیا

ہمارے قِبلہ کو وہابیوں نے لوٹ لیا

کہانی ایک سنائی جو ہیر رانجھا کی

تو اہلِ درد کو پنجابیوں نے لوٹ لیا

یہ موجِ لالۂ خود رو، نسیم سے بولی

کہ کوہ و دشت کو سیرابیوں نے لوٹ لیا

کچھ اشارہ جو کیا ہم نے ملاقات کے وقت

کچھ اشارا جو کیا ہم نے ملاقات کے وقت

'ٹال کر کہنے لگے 'دن ہے ابھی، رات کے وقت

سرسری آپ کے تشریف لے آنے سے حصول

میں تو تب جانوں کہ آ جاؤ کبھی گھات کے وقت

غیر سے کرتے تھے آنکھوں میں ابھی باتیں تم

ہم بھی آ پہنچے ہیں کیا عین اشارات کے وقت

مستی ہی تیری آنکھوں کی ہے جام سے لذیذ

مستی ہی تیری آنکھوں کی ہے جام سے لذیذ

ہے ورنہ کون شے مئے گلفام سے لذیذ

چٹکارے کیوں بھرے نہ زباں تیرے ذکر میں

کوئی مزہ نہیں ہے تِرے نام سے لذیذ

گالی وہ اس کی ہونٹوں کی آنکھیں دکھاتے وقت

وہ شے ہے، ہے جو پستہ و بادام سے لذیذ

ٹک آنکھ ملاتے ہی کیا کام ہمارا

ٹک آنکھ ملاتے ہی کیا کام ہمارا

تس پر یہ غضب پوچھتے ہو نام ہمارا

تم نے تو نہیں، خیر یہ فرمائیے بارے

پھر کِن نے لیا، راحت و آرام ہمارا

میں نے جو کہا آئیے مجھ پاس، تو بولے

کیوں، کس لیے، کس واسطے، کیا کام ہمارا

نرگس نے پھر نہ دیکھا جو آنکھ اٹھا چمن میں

نرگس نے پھر نہ دیکھا جو آنکھ اٹھا چمن میں

کیا جانے کس نے کس سے کیا کر لیا چمن میں

چڑھ بیٹھا یاسمیں کی گردن پہ عشق پیچاں

آیا کدھر سے کافر یہ تسمہ پا چمن میں

نالے پہ میرے نالے کرنے لگی ہے اب تو

بلبل نے یہ نکالا نخرا نیا چمن میں

کھولے جب چاند سے اس مکھڑے کا گھونگھٹ عاشق

کھولے جب چاند سے اس مُکھڑے کا گھونگھٹ عاشق

کیوں نہ پھر لیوے بلائیں تِری چٹ چٹ عاشق

نہیں معلوم اجی تم نے یہ کیا پڑھ پھُونکا

کہ تمہیں دیکھتے ہی ہو گئے ہم چٹ عاشق

مے کشی تم کرو غیروں سے بہم تو، اپنے

گھونٹ لہو کے پیئے کیوں نہ غٹاغٹ عاشق

ہے ظلم اس کو یار کیا ہم نے کیا کیا

ہے ظلم، اُس کو یار کِیا، ہم نے کیا کِیا

کیا جبر اختیار کِیا، ہم نے کیا کِیا

داغوں سے اپنے سینۂ سوزاں کو اے نسیم

یاں رشکِ نو بہار کِیا، ہم نے کیا کِیا

اس رشکِ گل کی خواہشِ بوس و کنار کو

اپنے گلے کا ہار کِیا، ہم نے کیا کِیا

دیوار پھاندنے میں دیکھو گے کام میرا

دیوار پھاندنے میں دیکھو گے کام میرا

'جب دھم سے آ کہوں گا 'صاحب سلام میرا

ہمسائے آپ کے میں لیتا ہوں اک حویلی

اس شہر میں ہوا جو چندے قیام میرا

جو کچھ کہ عرض کی ہے سو کر دکھاؤں گا میں

واہی نہ بات سمجھو یوں ہی کلام میرا

کچھ یہ مجھی کو یوں نہیں اس کی پھبن نے غش کیا

کچھ یہ مجھی کو یوں نہیں اس کی پھبن نے غش کیا

غنچے بھی چٹ سے فق ہوئے سارے چمن نے غش کیا

نالہ بھرا جو یاد میں میں نے شمیمِ یار کی

نبضیں گلوں کی چھٹ گئیں بوئے سمن نے غش کیا

میرے تمہارے رابطے دیکھے بہم تو رشک سے

نل تو پچھاڑ کھا گرا اس کی دمن نے غش کیا

خیال کیجیے کیا آج کام میں نے کیا

خیال کیجیۓ کیا آج کام میں نے کِیا
جب اس نے دی مجھے گالی، سلام میں نے کیا
"کہا یہ صبر نے دل سے کہ "لو خدا حافظ
حقوقِ بندگی اپنا، تمام میں نے کیا
جنوں یہ آپ کی دولت، ہوا نصیب مجھے
کہ ننگ و نام کو چھوڑا، یہ نام میں نے کیا

جس شخص نے کہ اپنے نخوت کے بل کو توڑا

جس شخص نے کہ اپنے نخوت کے بل کو توڑا

راہِ خدا میں اس نے گویا جبل کو توڑا

اپنا دلِ شگفتہ تالاب کا کنول تھا

افسوس تُو نے ظالم! ایسے کنول کو توڑا

تھا ساعتِ فرنگی، دل چپ جو ہو رہا ہے

کیا جانیے کہ کس نے ہے اس کی کل کو توڑا

چھیڑا نہ کرو میرے قلم دان کے کاغذ

چھیڑا نہ کرو میرے قلم دان کے کاغذ

ہیں اس میں پڑے بندے کے دیوان کے کاغذ

اس طِفل کو بیتوں کا مِری شوق ہوا تو

محسوس ہوئے سارے گلستان کے کاغذ

ہر وصلی سرکار پہ جدول ہے طلائی

اب آپ لگے رکھنے بڑی شان کے کاغذ

شعلے بھڑک رہے ہیں یوں اپنے تن کے اندر

شعلے بھڑک رہے ہیں یوں اپنے تن کے اندر

دوں لگ رہی ہو جیسے گرمی میں بن کے اندر

جو چاہو تم سو کہہ لو چپ چاپ ہیں ہم ایسے

گویا زباں نہیں ہے اپنے دہن کے اندر

ق

گل سے زیادہ نازک جو دلبرانِ رعنا

ہیں بے کلی میں شبنم کے پیرہن کے اندر

دھوم اتنی ترے دیوانے مچا سکتے ہیں

دھوم اتنی تِرے دیوانے مچا سکتے ہیں

کہ ابھی عرش کو چاہیں تو ہلا سکتے ہیں

مجھ سے اغیار کوئی آنکھ ملا سکتے ہیں

منہ تو دیکھو وہ مِرے سامنے آ سکتے ہیں

یاں و آتشِ نفساں ہیں کہ بھریں آہ تو جھٹ

آگ دامانِ شفق کو بھی لگا سکتے ہیں

مجھے چھیڑنے کو ساقی نے دیا جو جام الٹا

مجھے چھیڑنے کو ساقی نے دیا جو جام الٹا

تو کِیا بہک کے میں نے اسے اِک سلام الٹا

سحر ایک ماش پھینکا مجھے جو دکھا کے ان نے

تو اشارا میں نے تاڑا کہ ہے لفظِ شام الٹا

یہ بلا دھواں نشہ ہے مجھے اس گھڑی تو ساقی

کہ نظر پڑے ہے سارا در و صحن و بام الٹا