چاہتا ہوں پہلے خود بینی سے موت آئے مجھے

 چاہتا ہوں پہلے خود بینی سے موت آئے مجھے

آپ کو دیکھوں خدا وہ دن نہ دِکھلائے مجھے

آس کیا اب تو امیدِ نا امیدی بھی نہیں

کون دے مجھ کو تسلی کون بہلائے مجھے

دل دھڑکتا ہے شبِ غم میں کہیں ایسا نہ ہو

مرگ بھی بن کر مزاجِ یار ترسائے مجھے

ملنا ہے گر رقیب سے وہ بیوفا ملے

ملنا ہے گر رقیب سے وہ بے وفا ملے

چاہیں گے ہم بھی کوئی بتِ دلربا ملے

بس جی چکے، اجل کا الہٰی مزا ملے

آبِ بقا دے خضرؑ کو، مجھ کو فنا ملے

آئے ہیں پھول باغ میں اب سال بھر کے بعد

کیوں کر گلے نہ دوڑ کے بادِ صبا ملے

وعدہ وصل پہ وہ چھپ چھپ کے وفا کرتے ہیں

وعدۂ وصل پہ وہ چھپ چھپ کے وفا کرتے ہیں

خواب میں آ کے گلے مجھ سے ملا کرتے ہیں

کیوں خفا بیٹھے ہو منہ پھیرے ہوۓ تم ہم سے

دل کی کہتے ہیں، نہ غیروں کا گِلا کرتے ہیں

بت سے مطلب نہ کلیسا سے غرض کچھ ہم کو

جس کے بندے ہیں اسے یاد کیا کرتے ہیں

آ پڑے ہیں در پر ترے ہر کہیں سے ہم

آ پڑے ہیں در پر تِرے ہر کہیں سے ہم

گر حشر کو اٹھے تو اٹھیں گے یہیں سے ہم

کیوں پوچھتے ہو یہ، دلِ وحشی کہاں ملا

اب اس سے تم کو کیا، اسے لائے کہیں سے ہم

پائے طلب کو توڑ کے بیٹھے ہیں خاک پر

رکھتے نہیں غرض کسی مسند نشیں سے ہم

بنایا ہے کرم سے نقش پائے مصطفےٰ مجھ کو

بنایا ہے کرم سے نقش پائے مصطفٰیﷺ مجھ کو
نہ ڈالے گا جہنم میں کبھی میرا خدا مجھ کو
نتیجہ یہ ہوا آخر ستم کا صبر کرنے کا
خدائی پر جفا کہتی ہے تم کو باوفا مجھ کو
کہاں اب کاروانِ رفتہ کا نام و نشاں باقی
مگر ہاں کچھ سنائی دیتی ہے بانگِ درا مجھ کو

اک آفت جاں ہے جو مداوا مرے دل کا

اک آفتِ جاں ہے جو مداوا مِرے دل کا

اچھا کوئی پھر کیوں ہو مسیحا مرے دل کا

کیوں بِھیڑ لگائی ہے مجھے دیکھ کے بیتاب

کیا کوئی تماشہ ہے تڑپنا مرے دل کا

بازارِ محبت میں کمی کرتی ہے تقدیر

بن بن کے بِگڑ جاتا ہے سودا مرے دل کا

کیوں خرابات میں لاف ہمہ دانی واعظ

کیوں خرابات میں لافِ ہمہ دانی واعظ

کون سنتا ہے تِری ہرزہ بیانی واعظ

دفترِ وعظ کے نقطے بھی نہ ہوں گے اتنے 

جتنے ہیں دل میں مِرے داغِ نہانی واعظ

سچ سہی جنت و دوزخ کا فسانہ، لیکن 

کس طرح مان لوں میں تیری زبانی واعظ

چاندنی رہتی ہے شب بھر زیر پا بالائے سر​

چاندنی رہتی ہے شب بھر زیرِ پا بالائے سر​

ہائے میں اور ایک چادر زیرِ پا بالائے سر​

خار ہائے دشتِ غربت داغِ سودائے جنوں​

کچھ نہ کچھ رکھتا ہوں اکثر زیرِ پا بالائے سر​

بھاگ کر جاؤں کہاں پست و بلندِ دہر سے​

ہیں زمین و چرخ گھر گھر زیرِ پا بالائے سر​

بڑھ گئی مے پینے سے دل کی تمنا اور بھی

بڑھ گئی مے پینے سے دل کی تمنا اور بھی
صدقہ اپنا ساقیا! یک جامِ صہبا، اور بھی
ایک تو میں آپ ناصح ہُوں پریشاں، خستہ جاں
دل دُکھا دیتی ہے تیری پندِ بے جا اور بھی
داستانِ شوقِ دل، ایسی نہیں تھی مختصر
جی لگا کر تم اگر سنتے، میں کہتا اور بھی

شوق نظارہ نے گھر غیر کو کرنے نہ دیا

شوقِ نظارہ نے گھر غیر کو کرنے نہ دیا
آ گیا اشک جو آنکھوں میں، ٹھہرنے نہ دیا
ہم قدم سد رہ منزل مقصد نکلے
راستہ مجھ کو مِری گردِ سفر نے نہ دیا
رُو سِیہ سے نہ رکھ امید برومندی کی
ایک بھی پھل کبھی گل ہائے سپر نے نہ دیا

کی تھی دم کن یار سے آغوش ذرا گرم

کی تھی دم کن یار سے آغوش ذرا گرم
اب تک مِرے سینے سے نکلتی ہے ہوا گرم
اک روز تو آ کر مِری آغوش میں بیٹھو
ٹھنڈا دل پرسوز ہو، پہلو ہو ذرا گرم
پانی کو بنا دیتی ہے الفت کی ہوا آگ
آنسو مِری آنکھوں سے نکلتے ہیں بلا گرم