ہاں اے فقیر شہر دل آزار دیکھنا

 آپ وہ اور میں (سہ رنگی کلام؛ نظم، نظم، غزل)

٭٭٭٭ آپ:: نظمیہ رنگ ٭٭٭٭

ہاں اے فقیرِ شہرِ دل آزار دیکھنا

گھر سے نکل کے وقت کی رفتار دیکھنا

پڑھنا ہر ایک چہرے پہ لکھے ہوئے حروف

ہر موڑ پر نوشتۂ دیوار دیکھنا

ہر شام جا کے دیکھنا جلسے عوام کے

ہر روز اٹھ کے صبح کا اخبار دیکھنا

چلتے چلتے رک جاتا ہے

 چلتے چلتے رک جاتا ہے

دیوانہ کچھ سوچ رہا ہے

اس جنگل کا ایک ہی رستہ

جس پر جادو کا پہرا ہے

دور گھنے پیڑوں کا منظر

مجھ کو آوازیں دیتا ہے

آنکھوں کی ندی سوکھ گئی پھر بھی ہرا ہے

 آنکھوں کی ندی سوکھ گئی پھر بھی ہرا ہے

وہ درد کا پودا جو مِرے دل میں اگا ہے

جاں دے کے بھی چاہوں تو اسے پا نہ سکوں میں

وہ چاند کا ٹکڑا جو دریچے میں جڑا ہے

سیلاب ہیں چہروں کے تو آواز کے دریا

یہ شہرِ تمنا تو نہیں دشت‌ِ صدا ہے

ہم دشت سے ہر شام یہی سوچ کے گھر آئے

 ہم دشت سے ہر شام یہی سوچ کے گھر آئے

شاید کہ کسی شب تِرے آنے کی خبر آئے

معلوم کسے شہرِ طلسمات کا رستہ

کچھ دُور مِرے ساتھ تو مہتابِ سفر آئے

اس پھول سے چہرے کی طلب راحتِ جاں ہے

پھینکے کوئی پتھر بھی تو احساں مِرے سر آئے

اک عمر مہ و سال کی ٹھوکر میں رہا ہوں

 اک عمر مہ و سال کی ٹھوکر میں رہا ہوں

میں سنگ سہی پھر بھی سرِ راہ وفا ہوں

آپ اپنے ہی ناکردہ گناہوں کی سزا ہوں

آواز ہوں لیکن تِرے ہونٹوں سے جدا ہوں

کیا کم ہے کہ رسوائے جہاں ہوں تِری خاطر

میں داغ ہوں لیکن تِرے ماتھے پہ سجا ہوں