جس شجر پر ثمر نہیں ہوتا

 جس شجر پر ثمر نہیں ہوتا

اس کو پتھر کا ڈر نہیں ہوتا

آنکھ میں بھی چمک نہیں ہوتی

جب وہ پیش نظر نہیں ہوتا

مے کدے میں یہ ایک خوبی ہے

ناصحا! تیرا ڈر نہیں ہوتا

اگر تم بیچنا چاہو ادائیں بھی وفائیں بھی

اگر تم بیچنا چاہو 

ادائیں بھی وفائیں بھی 

حسیں خوابوں کے رنگوں کی ردائیں بھی 

یہ دنیا ہے 

یہاں آواز بکتی ہے 

یہاں تصویر بکتی ہے 

حدوں کو پار کیا تو حدود میں آیا

مال حسن تھا چشمِ حسود میں آیا

حدوں کو پار کیا تو حدود میں آیا

ہر اک حصار سے باہر تھا زیست کا لمحہ

قضا نے قید کیا تو قیود میں آیا

جمالِ ماہِ منور کی آرزو لے کر

ستارہ شام کا شہرِ شہود میں آیا

دل مضطرب ہے اور طبیعت اداس ہے

دل مضطرب ہے اور طبیعت اداس ہے

لگتا ہے، آج دل کے کوئی آس پاس ہے

پھر تشنہ لب کھڑا ہوں سمندر کے سامنے

یہ میری پیاس ہے کہ سمندر کی پیاس ہے

کھُلتا نہیں نگاہ پہ کہ کس جگہ پہ ہوں

شہرِ طلب ہے یا کوئی دشتِ ہراس ہے

اک شہر افسوس ہے جس میں

شہرِ افسوس

اک شہرِ افسوس ہے جس میں 

یادوں کے بازار سجے ہیں 

زخموں کا سرمایہ لے کر 

لوگ یہاں پر آ جاتے ہیں 

اس شہرِ افسوس میں اکثر 

لمحے حیرت بن جاتے ہیں 

زمیں پر آسماں رکھا ہوا ہے

زمیں پر آسماں رکھا ہُوا ہے

مجھے بھی درمیاں رکھا ہوا ہے

چھپا کر اپنے راز لاکھوں

مجھے رازداں رکھا ہوا ہے

بِنا دیکھے اسے تا عمر چاہیں

یہ کیا امتحاں رکھا ہوا ہے

کیوں جاگتے ہو کیا سوچتے ہو کچھ ہم سے کہو

کیوں جاگتے ہو
کیا سوچتے ہو
کچھ ہم سے کہو
تنہا نہ رہو
سوچا نہ کرو
یادوں کے برستے بادل کو پلکوں پہ سجانا ٹھیک نہیں
جو اپنے بس کی بات نہ ہو، اس کو دہرانا ٹھیک نہیں

ہمارا کیا ہے ہماری عادت سی ہو چکی ہے

ہمارا کیا ہے
ہماری عادت سی ہو چکی ہے
شفق کی بے خواب وادیوں میں بھٹکتے رہنا
گئی بہاروں کو یاد کرنا
فریب خوردہ سماعتوں کے فسوں میں رہنا
افق میں تحلیل ہوتے رنگوں کو رتجگوں میں تلاش کرنا

قریہ معرفت جہاں تک ہے

قریۂ معرفت جہاں تک ہے

منزلِ عشق بھی وہاں تک ہے

دل کی دیوانگی یہ پوچھتی ہے

ہوش کی سلطنت کہاں تک ہے

صورت کا سلسلہ سماعت تک

بات کا ذائقہ زباں تک ہے

اک سمندر ہے اور بھنور کتنے

اک سمندر ہے اور بھنور کتنے 

جانے درپیش ہیں سفر کتنے

وہ زمانے تیری رفاقت کے

آج لگتے ہیں مختصر کتنے

ہم کو اس راہ گزارِ ہستی میں 

سکھ کے سائے ملے مگر کتنے

دشت فرقت میں دے صدا مجھ کو

دشتِ فرقت میں دے صدا مجھ کو

اپنی صورت ذرا دکھا مجھ کو

میں ہوں تنہا وفا کی راہوں پر

اپنا کوئی پتا بتا مجھ کو

مجھ کو بھی دعوائے محبت ہے

آتشِ عشق میں جلا مجھ کو

زخم کھا کر بھی دعا کرتے تھے

زخم کھا کر بھی دعا کرتے تھے

ایسے بھی لوگ ہُوا کرتے تھے

سب کو آسانیاں دے کر پھر بھی

خود وہ مشکل میں رہا کرتے تھے

ہائے وہ لوگ جو سچ کی خاطر

جھوٹ کو جھوٹ کہا کرتے تھے

دل مضطرب ہے اور طبیعت اداس ہے

دل مضطرب ہے اور طبیعت اداس ہے

لگتا ہےآج دل کے کوئی آس پاس ہے

پھر تشنہ لب کھڑا ہوں سمندر کے سامنے

یہ میری پیاس ہے کہ سمندر کی پیاس ہے

کھلتا نہیں نگاہ پہ کہ کس جگہ پہ ہوں

شہرِ طلب ہے یا کوئی دشتِ ہراس ہے

سلسلہ زیست کی اداؤں کا​

سلسلہ زیست کی اداؤں کا​

کھیل جیسے ہو دھوپ چھاؤں کا​

ناؤ ڈوبی تو ہُوا معلوم​

کیا ارادہ تھا ناخداؤں کا​

خواہشوں کے چراغ جل نہ سکے​

اس قدر زور تھا ہواؤں کا​

نہ سمجھا ہوں نہ سمجھایا گیا ہوں

نہ سمجھا ہوں نہ سمجھایا گیا ہوں

کسی الجھن میں الجھایا گیا ہوں

میں حیراں ہوں کہ اِس حیرت کدے میں

کہاں تھا، اور کہاں لایا گیا ہوں

سمٹ سکتی ہے کیسے میری وسعت

مثالِ دشت پھیلایا گیا ہوں

انصاف جو نادار کے گھر تک نہیں پہنچا

انصاف جو نادار کے گھر تک نہیں پہنچا

سمجھو کہ ابھی ہاتھ ثمر تک نہیں پہنچا

مژگاں پہ رکے ہیں ابھی ڈھلکے نہیں آنسو

یہ سوچ کا سیلاب سفر تک نہیں پہنچا

کچھ لوگ ابھی خیر کی خواہش کے امیں ہیں

دستار کا جھگڑا ابھی سر تک نہیں پہنچا

حادثے حق کی حمایت نہیں کرنے دیتے

حادثے حق کی حمایت نہیں کرنے دیتے

گویا کچھ لوگ عبادت نہیں کرنے دیتے

کیا قیامت ہے کہ اب تو مِری سرکار کے لوگ

مجھ کو نفرت سے بھی نفرت نہیں کرنے دیتے

تشنگی حد سے بڑھتی جاتی ہے اہل دل کی

پھر بھی ساقی کی شکایت نہیں کرنے دیتے

کسی گھر کو جلا دینے سے پہلے

کسی گھر کو جلا دینے سے پہلے

ذرا سوچو ہوا دینے سے پہلے

ہر اک فرعون کو ملتی ہے مہلت

کلیمی کا عصا دینے سے پہلے

کوئی جھوٹی گواہی بھی نہیں تھی

میرے سچ کو سزا دینے سے پہلے