مال حسن تھا چشمِ حسود میں آیا
حدوں کو پار کیا تو حدود میں آیا
ہر اک حصار سے باہر تھا زیست کا لمحہ
قضا نے قید کیا تو قیود میں آیا
جمالِ ماہِ منور کی آرزو لے کر
زمانے بھر کی نگاہیں تھیں منتظر اس کی
یونہی نہیں وہ عدم سے وجود میں آیا
مِری نماز اسی نقش سے ہوئی قائم
جبیں کا داغ جو ذوقِ سجود میں آیا
کسی نظر کی کرامت ہوئی کرامتؔ پر
میں اپنے نام کے صدقے نمود میں آیا
کرامت بخاری
No comments:
Post a Comment