ہے اختیار میں تیرے تو معجزہ کر دے

ہے اختیار میں تیرے تو معجزہ کر دے 

وہ شخص میرا نہیں ہے اسے میرا کر دے 

یہ ریگ زار کہیں ختم ہی نہیں ہوتا 

ذرا سی دور تو رستہ ہرا بھرا کر دے 

میں اس کے جور کو دیکھوں وہ میرا صبر و سکوں

مجھے چراغ بنا دے، اسے ہوا کر دے

منزل نہ دے چراغ نہ دے حوصلہ تو دے

منزل نا دے چراغ نا دے حوصلہ تو دے

تنکے کا ہی سہی تُو مگر حوصلہ تو دے

میں نے یہ کب کہا کہ میرے حق میں ہو جا

لیکن خاموش کیوں ہے تُو کوئی فیصلہ تو دے

برسوں میں تیرے نام پر کھاتا رہا فریب

میرے خدا! کہاں ہے تُو؟ اپنا پتہ تو دے

مجھ سے واقف تو میرے جسم کا سایہ بھی نہ تھا

مجھ سے واقف تو میرے جسم کا سایہ بھی نہ تھا 

کیسے ہو جاتا تمہارا، میں خود اپنا بھی نہ تھا

جتنا مایوس ہے وہ شخص بچھڑ کر مجھ سے

اتنی شدت سے تو میں نے اسے چاہا بھی نہ تھا

جیسے الزام لگائے ہیں میرے سر اس نے

ایسی نظروں سے تو میں نے اسے دیکھا بھی نہ تھا 

کوئی دوست ہے نہ رقیب ہے

گیت

کوئی دوست ہے نہ رقیب ہے

تیرا شہر کتنا عجیب ہے

وہ عشق تھا، وہ جنوں تھا

یہ جو ہجر ہے، یہ نصیب ہے

یہاں کس کا چہرہ پڑھا کروں

میرے کون اتنا قریب ہے

کبھی غنچہ کبھی شعلہ کبھی شبنم کی طرح

گیت 

کبھی غنچہ، کبھی شعلہ، کبھی شبنم کی طرح

لوگ یہاں بدلتے ہیں کسی موسم کی طرح 

میرے محبوب! مِرے پیار کو الزام نہ دو

ہجر میں عید منائی ہے محرم کی طرح

میں نے خوشبو کی طرح تجھ کو کیا ہے محسوس

دل نے چھیڑا ہے تِری یاد کو شبنم کی طرح