جو رحمت عالم کو نبوت نہیں ملتی

 عارفانہ کلام حمد نعت منقبت سلام

جو رحمتِ عالمﷺ کو نبوت نہیں ملتی

محشر میں کسی کو بھی شفاعت نہیں ملتی

اللہ کے محبوبﷺ سبب بن گئے، ورنہ

انسان کو معراج کی عظمت نہیں ملتی

دشمن کے ستانے پر بھی دیتے ہیں دعائیں

دنیا میں محمدﷺ سی شرافت نہیں ملتی

ہر اک وصف نبی مرتضیٰ کی ذات میں ہے

 عارفانہ کلام حمد نعت منقبت سلام

ہر اک وصفِ نبی، مرتضیٰ کی ذات میں ہے

تب ہی یہ نام سرِ لامکاں بھی سات میں ہے

بھلا علیؑ سے کسی کا مقابلہ کیسا

علیؑ کے جیسا کہاں کوئی کائنات میں ہے

علیؑ کے نام ملتا ہے نورِ دیں و ایماں

علیؑ تو آج بھی روشن میری حیات میں ہے

جو چاہے کیجئے کوئی سزا تو ہے ہی نہیں

 جو چاہے کیجئے کوئی سزا تو ہے ہی نہیں 

زمانہ سوچ رہا ہے خدا تو ہے ہی نہیں 

دکھا رہے ہو نئی منزلوں کے خواب ہمیں 

تمہارے پاس کوئی راستہ تو ہے ہی نہیں 

وہ اپنے چہرے کے داغوں پہ کیوں نہ فخر کریں 

اب ان کے پاس کوئی آئینہ تو ہے ہی نہیں 

ایک آسمان شہادت حسین ہے کہ نہیں

 عارفانہ کلام منقبت سلام مرثیہ بحضور امام حسینؑ

ایک آسمانِ شہادت حسینؑ ہے کہ نہیں

بتاؤ دین کی عظمت حسین ہے کہ نہیں

مٹانے والوں سے پوچھو جو مٹ گئے خود ہی

جہاں میں اب بھی سلامت حسین ہے کہ نہیں

جب ان کے سائے میں اسلام ہے تو شک کیوں ہے

نبیﷺ کا سایۂ رحمت حسین ہے کہ نہیں

اس کو پہلی بار خط لکھا تو دل دھڑکا بہت

 اس کو پہلی بار خط لکھا تو دل دھڑکا بہت

کیا جواب آئے گا کیسے آئے گا ڈر تھا بہت

جان دے دیں گے اگر دنیا نے روکا راستہ

اور کوئی حل نہ نکلا ہم نے تو سوچا بہت

اب سمجھ لیتے ہیں میٹھے لفظ کی کڑواہٹیں

ہو گیا ہے زندگی کا تجربہ تھوڑا بہت

ظلم سہتا ہوا انسان برا لگتا ہے

 سچ کہوں مجھ کو یہ عنوان بُرا لگتا ہے

ظلم سہتا ہوا انسان برا لگتا ہے

ہم مجاہد ہیں پر ایمان کی کمزوری سے

اب ہمیں جنگ کا میدان برا لگتا ہے

اس قدر ہو گئی مصروف یہ دنیا اپنی

ایک دن ٹھہرے تو مہمان برا لگتا ہے

صدا دیتی ہے خوشبو چاند تارے بول پڑتے ہیں

 صدا دیتی ہے خوشبو چاند تارے بول پڑتے ہیں

نظر جیسی نظر ہو تو نظارے بول پڑتے ہیں

تمہاری ہی نگاہوں نے کہا ہے ہم سے یہ اکثر

تمہارے جسم پر تو رنگ سارے بول پڑتے ہیں

مہک جاتے ہیں گل جیسے صبا کے چوم لینے سے

اگر لہریں مخاطب ہوں کنارے بول پڑتے ہیں

آنکھ بھر آئی کسی سے جو ملاقات ہوئی

آنکھ بھر آئی کسی سے جو ملاقات ہوئی

خشک موسم تھا مگر ٹوٹ کے برسات ہوئی

دن بھی ڈوبا کہ نہیں یہ مجھے معلوم نہیں

جس جگہ بجھ گئے آنکھوں کے دِیے رات ہوئی

کوئی حسرت کوئی ارماں کوئی خواہش ہی نہ تھی

ایسے عالم میں مری خود سے ملاقات ہوئی

تم ہو محفل میں تو میری چشم تر دیکھے گا کون

تم ہو محفل میں تو میری چشم تر دیکھے گا کون

چاند کے آگے بھلا "داغِ جگر" دیکھے گا کون

یاد کے سوکھے گلابوں سے سجا ہے دل کا باغ

زخم یہ گزرے دنوں کے اب مگر دیکھے گا کون

آپ ہی کی ہے عدالت آپ ہی منصف بھی ہیں

یہ تو کہیے آپ کے عیب و ہنر دیکھے گا کون

ستمگروں کے ستم کی اڑان کچھ کم ہے

ستمگروں کے ستم کی اڑان کچھ کم ہے

ابھی زمین کے لیے آسمان کچھ کم ہے

جو اس خیال کو بھولے تو مارے جاؤ گے

کہ اپنی سمت قیامت کا دھیان کچھ کم ہے

ہمارے شہر میں خیر و عافیت ہے، مگر

یہی کمی ہے کہ امن و امان کچھ کم ہے

بے عمل کو دنیا میں راحتیں نہیں ملتیں

بے عمل کو دنیا میں، راحتیں نہیں ملتیں

دوستو! دعاؤں سے، جنتیں نہیں ملتیں

اس نئے زمانے کے، آدمی ادھورے ہیں

صورتیں تو ملتی ہیں، سیرتیں نہیں ملتیں

اپنے بل پہ لڑتی ہے، اپنی جنگ ہر پیڑھی

نام سے بزرگوں کے، عظمتیں نہیں ملتیں

وطن نصیب کہاں اپنی قسمتیں ہوں گی

وطن نصیب کہاں، اپنی قسمتیں ہوں گی 

جہاں بھی جائیں گے ہم ساتھ ہجرتیں ہوں گی

ابھی تو قید ہیں جذبوں کی آندھیاں دل میں 

ہمارا "صبر" جو "توڑا"، قیامتیں ہوں گی

کبھی تو "صاحبِ دیوار و در" بنیں گے ہم 

کبھی تو سر پہ ہمارے نئی چھتیں ہوں گی

اب آسمانوں سے آنے والا کوئی نہیں ہے

اب آسمانوں سے آنے والا کوئی نہیں ہے

اٹھو، کہ تم کو جگانے والا کوئی نہیں ہے

محافظ اپنے ہو "آپ" ہی تم، یہ یاد رکھو

پڑوس میں بھی بچانے والا کوئی نہیں ہے

فضا میں بارود اڑ رہی ہے، جدھر بھی دیکھو

جہاں میں اب گل کھلانے والا کوئی نہیں ہے

کدھر کو جائیں گے اہل سفر نہیں معلوم​

 کدھر کو جائیں گے اہلِ سفر، نہیں معلوم​

وہ بدحواسی ہے، اپنا ہی گھر نہیں معلوم​

ہمارے شہر میں ہر روز اک قیامت ہے

یہاں کسی کو کسی کی خبر نہیں معلوم

ہمارا صبر، تجھے خاک میں ملا دے گا

ہمارے صبر کا تجھ کو اثر نہیں معلوم

جو تم کرو گے وہ ہم کریں گے

جو تم کرو گے وہ ہم کریں گے

(انقلابی شاعری)

ستم کرو  گے ستم کریں گے

کرم کرو گے کرم کریں گے

ہم آدمی ہیں تمھارے جیسے

جو تم کرو گے وہ ہم کریں گے

گزر چکا ہے زمانہ وہ انکساری کا

گزر چکا ہے زمانہ وہ انکساری کا

کہ اب مزاج بنا لیجیۓ شکاری کا

ہم احترمِ محبت میں ‌سر جھکاتے ہیں

غلط نکال نہ مفہوم خاکساری کا

وہ بادشاہ بنے بیٹھے ہیں مقدر سے مگر

مزاج ان کا ہے اب تک وہی بھکاری کا

ہماری جیب سے جب بھی قلم نکلتا ہے

ہماری جیب سے جب بھی قلم نکلتا ہے

سیاہ شب کے خداؤں کا دم نکلتا ہے

تمہارے وعدوں کا قد بھی تمہارے جیسا ہے

کبھی جو ناپ کے دیکھو تو کم نکلتا ہے

وطن پہ مٹنے کا جب بھی سوال آتا ہے 

تو سب سے پہلے ہمارا قدم نکلتا ہے

سحر نے اندھی گلی کی طرف نہیں دیکھا

سحر نے اندھی گلی کی طرف نہیں دیکھا

جسے طلب تھی اسی کی طرف نہیں دیکھا

سبھی کو دکھ تھا سمندر کی بے قراری کا

کسی نے مڑ کے ندی کی طرف نہیں دیکھا

جو آئینے سے مِلا، آئینے پہ جھنجھلایا

کسی نے اپنی کمی کی طرف نہیں دیکھا

تم بھی بلبل ہو اس باغ کے اور ہم شان گلزار ہیں

تم بھی بلبل ہو اس باغ کے اور ہم شانِ گلزار ہیں

ساری سانسیں تمہاری نہیں، ہم بھی جینے کے حقدار ہیں

تنگ کر دی گئی ہے زمیں، ہم پہ اس واسطے آج کل

ہم پجاری ہیں سچائی کے، آئینوں کے طرف دار ہیں

دور سے ہم کو سمجھو گے کیا، پاس آ کر تو دیکھو ہمیں

ہم وفا ہی وفا دوستو، ہم فقط پیار ہی پیار ہیں

ان کو آنسو بھی جو مل جائیں تو مسکاتی ہیں

بیٹیاں

ان کو آنسو بھی جو مل جائیں تو مسکاتی ہیں

بیٹیاں تو بڑی معصوم ہیں، جذباتی ہیں

اپنی خدمت سے اتر جاتی ہیں دل میں سب کے

ہر نئی نسل کو تہذیب یہ سکھلاتی ہیں

ان سے قائم ہے تقدس بھی ہمارے گھر کا

صبح کو اپنی نمازوں سے یہ مہکاتی ہیں