عارفانہ کلام حمد نعت منقبت سلام
جو رحمتِ عالمﷺ کو نبوت نہیں ملتی
محشر میں کسی کو بھی شفاعت نہیں ملتی
اللہ کے محبوبﷺ سبب بن گئے، ورنہ
انسان کو معراج کی عظمت نہیں ملتی
دشمن کے ستانے پر بھی دیتے ہیں دعائیں
دنیا میں محمدﷺ سی شرافت نہیں ملتی
سرکارؐ کی سجدے میں گزر جاتی تھیں راتیں
اُمت کو مگر سجدے کی فُرصت نہیں ملتی
کر شکرِ خدا، اُمتِ احمدﷺ میں جگہ دی
ورنہ، تجھے منظر یہ سعادت نہیں ملتی
منظر بھوپالی
No comments:
Post a Comment