مری حیات کا مرکز ہے وہ محمد ہیں

 عارفانہ کلام حمد نعت منقبت

مِری حیات کا مرکز ہے وہ محمدﷺ ہیں

جو معجزات کا مرکز ہے وہ محمدﷺ ہیں

تمام نبیوں کو صدقہ ملا محمدﷺ کا

جو سب صفات کا مرکز ہے وہ محمدﷺ ہیں

اگر نہ ہوتے محمدﷺ تو کچھ نہیں ہوتا

جو کائنات کا مرکز ہے وہ محمدﷺ ہیں

وہ لا شریک ہے اس کا شریک کوئی نہیں 

جو اس کی ذات کا مرکز ہے وہ محمدﷺ ہیں 

اُتر کے عرش سے آتے ہیں حرف کاغذ پر

جو میری نعت کا مرکز ہے وہ محمدﷺ ہیں

فاخرہ بتول