حجاب دل میں نہیں چہرے پر نقاب نہیں

 عارفانہ کلام حمد نعت منقبت سلام

حجاب دل میں نہیں چہرے پر نقاب نہیں

شعورِ عشقِ محمدﷺ تِرا جواب نہیں

میں پُر خطا ہوں گنہگار ہوں بہت، لیکن

مجھے یقین ہے مٹی مِری خراب نہیں

سخی تو اور بھی ہیں آپؐ کی حکومت میں

مگر حضورؐ کی بخشش کا بھی جواب نہیں

فضیلتوں کا عمامہ پہن کے تُوﷺ آیا

کمال و فضل میں تیرا کوئی جواب نہیں

وہ ننگے پاؤں ہے کیونکر چلے گا کانٹوں پر

نبیﷺ کا عشق اگر اس کا ہمرکاب نہیں

خمار دور سے انﷺ کا کروں گا نظارہ

انہیںؐ قریب سے دیکھوں نظر میں تاب نہیں

ستنام سنگھ خمار