دیکھ سفاک مرے حال پہ تنقید نہ کر

 دیکھ سفاک مِرے حال پہ تنقید نہ کر

مت اڑا خاک، مِرے حال پہ تنقید نہ کر

کوئی منظر میں بنالوں گا انوکھا کل تک

چشمِ نمناک! مِرے حال پہ تنقید نہ کر

کُوزہ گر ہے تو کوئی اپنا کھلونا بھی بنا

چل اُٹھا خاک، مِرے حال پہ تنقید نہ کر

آدمی صاف ہوں اور صاف نظر آتا ہوں

خود پہ رکھ تاک، مِرے حال پہ تنقید نہ کر

ذکر اللّٰہ کا ہر وقت کیۓ جاتا ہوں

میں تو ہوں پاک مِرے حال پہ تنقید نہ کر

نوشیروان عادل