عارفانہ کلام حمد نعت منقبت سلام
حسین تر پُھول چُن کر حق نے ایماں کی بہاروں سے
ملا دی شانِ بطحا جنتوں کے لالہ زاروں سے
ہے ممنونِ محمدﷺ مصطفیٰﷺ شانِ براہیمیؑ
وہ چاہیں تو شگفتہ پُھول پیدا ہوں شراروں سے
عرب کے کملی والے سے وہ دولت ہم نے پائی ہے
جو دولت مل نہیں سکتی جہاں کے تاجداروں سے
شبِ ہجرت محمدﷺ مصطفیٰؐ مکہ سے یوں نکلے
کہ جیسے ماہِ کامل رُونما ہو کوہساروں سے
زہے قسمت عجب شانِ فقیرانِ مدینہ ہے
خراجِ مرتبت ملتا ہے ان کو شہریاروں سے
تصور آئینہ دارِ شبِ معراج ہے گوہر
صدا صلِ علیٰ کی آ رہی ہے چاند تاروں سے
گوہر لکھنوی
No comments:
Post a Comment