عارفانہ کلام حمد نعت منقبت سلام
تو سمجھتا ہے، حدیثِ ناتوانی ہے حسینؑ؟
عشق و عزم و استقامت کی نشانی ہے حسینؑ
مشرقِ صبر و رضا، کرنوں سے اس کی تابناک
صبح کا پرتو، شفق کی زرفشانی ہے حسینؑ
بوستانِ کُن فکاں اس کے لہو سے لالہ خیز
آشنائے رسم و راہِ باغبانی ہے حسینؑ
آ رہی ہے کربلا کی خاک سے پیہم صدا
شیوہ آموزِ حیاتِ جاودانی ہے حسینؑ
صفحۂ ہستی پہ نقشِ غیرفانی ہے حسینؑ
سننے والو! اک ذرا تابِ شنیدن چاہیۓ
درد کے شعلوں میں لپٹی اک کہانی ہے حسینؑ
فضا ابن فیضی
No comments:
Post a Comment