عارفانہ کلام حمد نعت منقبت
نبی کے غلاموں میں نام آئے گا
اگر جذبِ دل ہے تو کام آئے گا
میری مغفرت کا پیام آئے گا
جو صبح نہ آیا تو شام آئے گا
جبیں داغِ سجدہ سجائے رکھے
لحد کے اندھیرے میں کام آئے گا
خبر ہے وہ پیاسوں کو پلوائیں گے
یقیں ہے کہ مجھ تک بھی جام آئے گا
غلامو! سلام عرض کرتے رہو
کبھی تو جوابِ سلام آئے گا
جب انعام محشر میں بخشیں گے وہؐ
ہمارا تمہارا بھی نام آئے گا
کوئی جب نہ کام آئے گا حشر میں
کرم انؐ کا حامد کے کام آئے گا
حامد امروہوی
مرزا حامد حسین
No comments:
Post a Comment