آیتِ صبر پڑھی سینہ کشادہ کیا ہے
منزلِ عشق پہ رہنے کا اعادہ کیا ہے
جس کے وعدے پہ ہم اک عمر گزارے ہوئے تھے
پھر اسی وعدہ فراموش نے وعدہ کیا ہے
پہلے تو خود کو اندھیرے کی اذیت سے نکال
روشنی چُھونے کا گر تُو نے ارادہ کیا ہے
عمر بھر مُردہ روابط میں یہاں سانسیں بھریں
دل کی وُسعت سے بھی یہ کام زیادہ کیا ہے
خود کو برباد جو کرنا تھا سو ہم نے طارق
بس محبت کو یہاں اپنا لبادہ کیا ہے
طارق جاوید
No comments:
Post a Comment