عارفانہ کلام حمد نعت منقبت سلام
وارثِ سیدؐ الانام حسینؑ
تم پہ اللہ کا سلام حسینؑ
سب جوانانِ خُلد کے سرورؑ
ہیں امامِ حسنؑ، امام حسینؑ
کوثر و سلسبیل کے مختار
تشنہ لب اور تشنہ کام حسینؑ
جس کو پیغامِ آخری کہیۓ
ہیں وہ اللہ کا پیام حسینؑ
راکب دوشِ صاحبِؐ معراج
اللہ، اللہ، تِرا مقام حسینؑ
قدرتِ انتقام تھی پھر بھی
نہ لیا تُو نے انتقام حسینؑ
روح کی تازگی ہے تیری یاد
دل کی تسکین تیرا نام حسینؑ
تیرا بندہ ذہین تاجی ہے
تاجور ہیں تِرے غلام حسینؑ
ذہین شاہ تاجی
No comments:
Post a Comment