عارفانہ کلام حمد نعت منقبت
تِرے ذکر پر نوازش کے سحاب اُمڈ کے برسیں
مِری آنکھ کے کٹورے تِراﷺ نام لوں تو چھلکیں
میں فقیر بن کے گلیوں میں تِریﷺ صدا لگاؤں
مِری زندگی کے یہ دن تِرےﷺ آستاں پہ گزریں
مِری بے قرار آنکھیں کبھی لیں بلائیں اُنﷺ کی
کبھی بام و در سے لپٹیں کبھی جالیوں کو چومیں
نہ بدن ہے خوشبوؤں کا نہ دھنک کا پیرہن ہے
میں غریبِ گلستاں ہوں مِرے روز و شب بھی مہکیں
یہ غلام یہ کنیزیں جو کھڑے ہیں کب سے آقاﷺ
تِرےﷺ آستانِ عالی کے سوا کدھر کو دیکھیں
کرمِ عظیم دیکھو یہ ریاضِ بے نوا پر
کہ ہیں دست بستہ رہتی ہمہ وقت اس کی سوچیں
ریاض حسین چودھری
No comments:
Post a Comment