وقت رخصت جو مری آنکھ میں پانی آیا

 وقتِ رخصت جو مِری آنکھ میں پانی آیا

پھر سمجھ، لفظِ محبت کا معانی آیا

آج پھر شہر سے ہجرت کا کہا ہے اس نے

کل ہی میں کر کے یہاں نقل مکانی آیا

ناخدا! تُو ذرا کشتی کو سنبھالے رکھنا

میں ابھی روک کے دریا کی روانی آیا

چراغ و گل سے جو دیوار و در سجے ہوئے ہیں

چراغ و گل سے جو دیوار و در سجے ہوئے ہیں

مِری تباہی سے یاروں کے گھر سجے ہوئے ہیں

یہ میری آنکھ بھی گویا ہے کربلا کی زمیں

جفا کے نیزے پہ خوابوں کے سر سجے ہوئے ہیں

خود اپنی لاش اٹھا کر مجھے گزرنا ہے

اسی لیے تو سبھی رہگزر سجے ہوئے ہیں

کبھی کھڑکی کبھی در بولتا ہے

کبھی کھڑکی، کبھی در بولتا ہے

میں چب ہو جاؤں تو گھر بولتا ہے

میں لب بستہ بھی جو محوِ سخن ہوں

کوئی تو میرے اندر بولتا ہے

میں اپنی جنگ کیسے ہار پاؤں

مِرا نیزے پہ بھی سر بولتا ہے

ہجر کے ساتھ گزارا بھی تو ہو سکتا ہے

ہجر کے ساتھ گزارا بھی تو ہو سکتا ہے
اب محبت سے کنارا بھی تو ہو سکتا ہے
یہ جو اک نور چمکتا ہے مرے ماتھے پر
یہ ولایت کا اشارا بھی تو ہو سکتا ہے
میں تِرے حسن سے انکار بھی کر سکتا ہوں
 پیار ہونے کو دوبارا بھی تو ہو سکتا ہے

غبار زعم دل بے قرار ختم ہوا

غبارِ زعمِ دلِ بے قرار ختم ہوا
ذرا سی دیر میں برسوں کا پیار ختم ہوا
لے آج ترکِ تعلق بھی کر لیا تُو نے
 لے آج مجھ پہ تِرا اختیار ختم ہوا
 خدا کا شکر، اجازت ملی جدائی کی
 خدا کا شکر، مِرا انتظار ختم ہوا

فراتِ فکر کا مارا ہوا کہاں جاؤں

فراتِ فکر کا مارا ہوا کہاں جاؤں
صلیبِ غم پہ اتارا ہوا کہاں جاؤں
میں جنگ جیت کے آیا ہوں موت سے، لیکن
اب اپنی زیست سے ہارا ہوا کہاں جاؤں
کہاں پہ جاؤں تِری خلق کا ستایا ہوا
میں سُوئے دار پکارا ہوا کہاں جاؤں

یہ مجھ پہ تہمتیں کیسی کہ انحراف کیا

یہ مجھ پہ تہمتیں کیسی کہ انحراف کیا
اے عشق! تجھ سے تو لاکھوں نے اختلاف کیا
نہیں ہے میری ہتھیلی میں زندگی کی لکیر
کل ایک جوتشی نے مجھ پہ انکشاف کیا
مٹا دی اس نے مِری آخری گواہی بھی
بڑی صفائی سے قاتل نے خون صاف کیا

پس زندان سر راہ گزر آتے ہیں

پسِ زندان، سرِ راہ گزر آتے ہیں
 ہم کو ہر حال میں جینے کے ہنر آتے ہیں
 لوگ پتھر لیے ہاتھوں میں لپکتے ہیں ادھر
جب کسی پیڑ پہ دو چار ثمر آتے ہیں
 میں حقیقت کی حقیقت کو سمجھتا ہوں، مگر
 لوگ ویسے بھی نہیں، جیسے نظر آتے ہیں

آؤ اب کہ طے کر لیں

آؤ اب کہ طے کر لیں
 سال جو نیا آیا
 کس طرح گزاریں گے
 سخت وہ سبھی باتیں
 تلخ سی ملاقاتیں
 ہجر کے وہ دن سارے

حقیقت میں کوئی ہمدرد، چارہ گر نہیں ہوتا

حقیقت میں کوئی ہمدرد، چارہ گر نہیں ہوتا

 سرِ منظر جو ہوتا ہے پسِ منظر نہیں ہوتا

 کبھی دشتِ تمنا میں، کبھی شہرِ خیالاں میں

 ہم ایسے لوگ پنچھی ہیں ہمارا گھر نہیں ہوتا

 ہماری آنکھ کے سپنے، ہمارا کل اثاثہ ہیں

 ہمیں لٹنے اجڑنے کا کہیں بھی ڈر نہیں ہوتا

اک تماشا سرِ بازار بنانے سے رہا

اِک تماشا سرِ بازار بنانے سے رہا
 میں تجھے اپنا خریدار بنانے سے رہا
 جس میں معیارِ شرافت کی زبوں حالی ہو
 اس جہالت میں تو کردار بنانے سے رہا
 اِک تعصب تیری سوچوں پہ مسلط ہے ابھی
 سو تجھے قابلِ گفتار بنانے سے رہا