کب تک باتیں کرتے جائیں در اور میں

 کب تک باتیں کرتے جائیں در اور میں

ہر آہٹ پر چونک اٹھتے ہیں گھر اور میں

دن بھر اک دُوجے سے لڑتے رہتے ہیں

رات کو تھک کر سو جاتے ہیں ڈر اور میں

گھر سے باہر بھی میری اک دنیا ہے

اور اس دنیا سے باہر ہیں گھر اور میں

مجھ کو تم شبدوں کی دیوی کہتے تھے

جو کچھ میں نے تمہیں لکھا تھا

شبد نہیں تھے

میرے ہاتھ کی ہر انگلی سے خون بہا تھا

مجھ کو تم ہی شبدوں کی دیوی کہتے تھے

یوں میرے شبدوں کا تم اپمان کرو گے

میرے دھیان میں کب ایسا تھا

تری آواز کے مرہم سے اپنے زخم بھر لوں گی

 تری آواز کا مرہم

جو اب اک لفظ بھی بولے گا تُو

میں قید کر لُوں گی

تِری آواز کو مٹھی میں بھر لوں گی

تِری فرقت کا موسم جب مِری کھڑکی میں اترے گا

تِری آواز کا زیور پہننے کے لئے جب کان ترسیں گے

کب تک باتیں کرتے جائیں در اور میں

کب تک باتیں کرتے جائیں در اور میں

ہر آہٹ پر چونک اٹھتے ہیں گھر اور میں

دن بھر اک دوجے سے لڑتے رہتے ہیں

رات کو تھک کر سو جاتے ہیں ڈر اور میں

گھر سے "باہر" بھی میری اک دنیا ہے

اور اس دنیا سے باہر ہیں "گھر" اور میں

یہ بام و در بھی مرے ساتھ خواب دیکھیں گے

یہ بام و در بھی مِرے ساتھ خواب دیکھیں گے

تمام "رات" مِرا "اضطراب" دیکھیں گے

جہانِ حرف و معانی میں جس نے الجھایا

ہم اس کے ہاتھ میں اپنی کتاب دیکھیں گے

وہ میرے شہر میں آئے گا اور ملے گا نہیں

وہ کر سکے گا بھلا اِجتناب؟ دیکھیں گے؟

یہی منظر تھے انجانے سے پہلے

یہی منظر تھے انجانے سے، پہلے

تمہارے شہر میں آنے سے پہلے

زمیں کی دھڑکنیں پہچان لینا

کوئی دیوار بنوانے سے پہلے

پلٹ کر کیوں مجھے سب دیکھتے ہیں

تمہارا ذکر فرمانے سے پہلے

رستہ روکتی خاموشی نے کون سی بات سنانی ہے

رستہ روکتی خاموشی نے کون سی بات سنانی ہے
رات کی آنکھیں جان چکی ہیں، کس کے پاس کہانی ہے
جب اس کی وسعت سے نکلے میری وحشت، خواب، سراب
دامن جھاڑ کے دشت پکارا، اب کیسی ویرانی ہے
منظر ہے کھڑکی کے اندر یا ہے کھڑکی سے باہر
گردوں کی گیرائی ہے یا خاک نے چادر تانی ہے

بول کنارے

بول کنارے

کانچ کی چُوڑی ہاتھ پہ توڑ کے

ٹکڑوں میں اک خواب سجایا

بادل میں اک شکل بنا کر

پورے سال کی بارش آنکھ سے برسا دی

رخساروں سے پلک اٹھا کر

کوئی آہٹ نہیں آتی سر دشت گماں جاناں

کوئی آہٹ نہیں آتی سرِ دشتِ گماں، جاناں

غبارِ راہ کو تکتے ہوئیں آنکھیں دھواؑں، جاناں

چمکتا ہے ہمارے نام کا تارا جہاں، جاناں

نہ جانے کس افق کے پار ہے وہ کہکشاں، جاناں

مجھے یہ وہم لاحق تھا، در و دالان ہیں میرے

مجھے یہ خوش گمانی تھی، مِرا ہے یہ مکاں، جاناں 

اس کی اور مری خاطر یہ زمین یہ تارے

اس کی اور مری خاطر 

یہ زمین، یہ تارے

گھومتے ہیں مستی میں

جتنے راز پنہاں ہیں

اوج میں، بلندی پر

اور زمیں کی پستی میں

بام سے ڈھل چکا ہے آدھا دن

بام سے ڈھل چکا ہے آدھا دن

کس سے ملنے چلا ہے آدھا دن

تم جو چاہو تو رک بھی سکتا ہے

ورنہ کس سے رکا ہے آدھا دن

جھانکتی شام کے کنارے پر

مجھ سے پھر لڑ پڑا ہے آدھا دن

اسیر خواب نئی جستجو کے در کھولیں

اسیرِ خواب نئی جستجو کے در کھولیں

ہوا پہ ہاتھ رکھیں اور اپنے پر کھولیں

سمیٹ اپنے سرابوں میں بارشوں کا جمال

کہاں کا قصد ہے، یہ راز خوش نظر کھولیں

کریں یوں پھر اسے بھولنے کی اک سازش

چلو، کہ آج کوئی نامۂ دِگر کھولیں

ہمیں تو خواب نے آ کر جگایا ہے

ہمیں تو خواب نے آ کر جگایا ہے

یہاں چاروں طرف جو نیند سے بوجھل

خمار آلود آنکھیں ہیں

انہیں کس نے بلایا ہے

کبھی ایسا بھی ہونا ہے

ہمیں خوابوں کے رستوں سے

اس کے دھیان کی دل میں پیاس جگا لی جائے

اس کے دھیان کی دل میں پیاس جگا لی جائے

ایک بھی شام نہ پھر اس نام سے خالی جائے

آنکھوں میں کاجل کی پرت جما لی جائے

سکھیوں سے یوں پریت کی جوت چھپا لی جائے

ریت ہے، سورج ہے، وسعت ہے، تنہائی ہے

لیکن، کب اس دل کی خام خیالی جائے

مرے گھر سے تمہارے آستاں تک

مِرے گھر سے تمہارے آستاں تک

گماں کے رنگ ہیں حدِ گماں تک

کئی موسم ہیں پھیلے درمیاں میں

بہاروں سے تِری، میری خزاں تک

ابھی سے رات کیوں ڈھلنے لگی ہے

ابھی آئیں نہیں باتیں زباں تک

سیکڑوں خوف مرے دل میں جڑے ہیں صاحب

سیکڑوں خوف مِرے دل میں جڑے ہیں صاحب

مِرے ڈر میرے رگ و پے میں گڑے ہیں صاحب

اِس برس ہم کو ستایا ہے زمانے نے بہت

سارے موسم تِرے ہجراں سے کڑے ہیں صاحب

آج پوچھے نہ کوئی صبر کے معنی ہم سے

آج ہم آخری منزل پہ کھڑے ہیں صاحب

سانس بھر کے لیے مل پائی رسائی مجھ کو

سانس بھر کے لیے مل پائی رسائی مجھ کو

پھر اسی شہر میں تقدیر ہے لائی مجھ کو

میں تِری قبر کی مٹی ہی جو چھونے پاتی

عمر بھر کے لیے کافی تھی کمائی مجھ کو

تُو یہیں ایسے ہی رستوں میں چلا کرتی تھی

تیری آہٹ مِری آنکھوں نے دکھائی مجھ کو

پھر مرے بام و در سجانے سے

پھر مِرے بام و در سجانے سے
کون روکے گا غم کو آنے سے
سانس رک جائے تو سکوں آئے
درد تھم جائے اِس بہانے سے
رنگ، خوشبو، سحاب، سب آئے
تم نہ آئے مِرے بلانے سے