سیکڑوں خوف مِرے دل میں جڑے ہیں صاحب
مِرے ڈر میرے رگ و پے میں گڑے ہیں صاحب
اِس برس ہم کو ستایا ہے زمانے نے بہت
سارے موسم تِرے ہجراں سے کڑے ہیں صاحب
آج پوچھے نہ کوئی صبر کے معنی ہم سے
تُو سنا فیصلہ تو آنکھ میں بھر لوں ان کو
شب کی دہلیز پہ کچھ خواب پڑے ہیں صاحب
کب یہ کہسار ہیں اونچے مِرے آدرشوں سے
کب سمندر مِرے خوابوں سے بڑے ہیں صاحب
پھر نہ چہرہ تِری آواز کا دیکھیں گے کبھی
ضد ہے تیری تو یہاں ہم بھی اڑے ہیں صاحب
تیرے لفظوں کے مہ و انجم و افلاک گواہ
سب ابھی تک یونہی حیران کھڑے ہیں صاحب
عنبرین صلاح الدین
No comments:
Post a Comment