آئینہ کیوں نہ دوں کہ تماشا کہیں جسے
ایسا کہاں سے لاؤں کہ تجھ سا کہیں جسے
حسرت نے لا رکھا تری بزم خیال میں
گلدستۂ نگاہ سویدا کہیں جسے
پھونکا ہے کس نے گوش محبت میں اے خدا
افسونِ انتظار تمنا کہیں جسے
سر پر ہجوم درد غریبی سے ڈالیے
وہ ایک مشتِ خاک کہ صحرا کہیں جسے
ہے چشمِ تر میں حسرت دیدار سے نہاں
شوقِ عناں گیختہ دریا کہیں جسے
درکار ہے شگفتن گلہاۓ عیش کو
صبح بہار پنبۂ مینا کہیں جسے
غالؔب برا نہ مان جو واعظ برا کہے
ایسا بھی کوئی ہے کہ سب اچھا کہیں جسے
مرزا غالب
ایسا کہاں سے لاؤں کہ تجھ سا کہیں جسے
حسرت نے لا رکھا تری بزم خیال میں
گلدستۂ نگاہ سویدا کہیں جسے
پھونکا ہے کس نے گوش محبت میں اے خدا
افسونِ انتظار تمنا کہیں جسے
سر پر ہجوم درد غریبی سے ڈالیے
وہ ایک مشتِ خاک کہ صحرا کہیں جسے
ہے چشمِ تر میں حسرت دیدار سے نہاں
شوقِ عناں گیختہ دریا کہیں جسے
درکار ہے شگفتن گلہاۓ عیش کو
صبح بہار پنبۂ مینا کہیں جسے
غالؔب برا نہ مان جو واعظ برا کہے
ایسا بھی کوئی ہے کہ سب اچھا کہیں جسے
مرزا غالب
No comments:
Post a Comment