یہ بولا آہ بھر با جان غمناک

 اقتباس از مثنوی

یہ بولا آہ بھر با جانِ غمناک

کہ ہے آخر یہ دنیا بسر خاک

کوئی کیا اس کے اوپر دل لگاوے

دو روزہ زندگی پر جی جلاوے

ہوا یاں کب کسی کا کام پورا

کہ ہے یہ کام دنیا سب ادھورا

تشریف شب کو لانا کیوں عار جانتے ہیں

تشریف شب کو لانا کیوں عار جانتے ہیں

شاید کہ آپ ہم کو بدکار جانتے ہیں

زلفوں کے پیچ میں ہم گو جانتے نہیں کچھ

پر سر پٹک کے اپنا من ہار جانتے ہیں

وحشت میں جو جو ہم نے پتھروں سے سر کو مارا

صحرا میں جا کے پوچھو، کہسار جانتے ہیں

شب وصال میں دل پر قلق ابھی سے ہے

شبِ وصال میں دل پر قلق ابھی سے ہے

سحر ہے دور میرا رنگ فق ابھی سے ہے

ہنوز دفن ہوا ہی نہیں تِرا بسمل

کہ زلزلے میں زمیں کا طبق ابھی سے ہے

میں لکھ چکا ہی نہیں حالِ دل کہ اسکی طرف

ہوائے شوق میں اڑتا ورق ابھی سے ہے

تم جو اے جان ہمیں شکل دکھانے کے نہیں

تم جو اے جان! ہمیں شکل دکھانے کے نہیں

تو کوئ دن ہی میں جیتا ہمیں پانے کے نہیں

جن کے گھر دوستو! ہم آپ سے جانے کے نہیں

“کیا غضب ہے کہ وہ کہتے ہیں ”بلانے کے نہیں

اے صبا! تُو ہی مِرا حال کہہ اس غافل سے

ہمنشیں اس کے تو کچھ یاد دِلانے کے نہیں

کہتا ہے تو مجھے کہ نہ جا کوئے یار کو

کہتا ہے تُو مجھے کہ نہ جا کُوئے یار کو

ناصح! پہ کیا کروں میں دلِ بے قرار کو

ہے لطف سیرِ لالہ کا جب تُو بغل میں ہو

تُو ہی نہ ہو،۔۔ آگ لگے اس بہار کو

دامن تک اس کے کہوں کیا کہ ایک دن

ہمدم ہوئی رسائی نہ میرے غبار کو