اور تو کچھ بھی نہیں پاس نشانی تیری

 اور تو کچھ بھی نہیں پاس نشانی تیری

دیکھتی رہتی ہوں تصویر پرانی تیری

لڑکیاں اور بھی منصوب تیرے نام سے ہیں

کیا کوئی میری طرح بھی ہے دیوانی تیری

میرے پھولوں میں مہکتا ہے پسینہ تیرا

میرے ہاتھوں میں کھنکتی ہے جوانی تیری

توڑ کر ہر قسم آپ کے شہر میں

 توڑ کر ہر قسم، آپ کے شہر میں

آ گئے آج ہم، آپ کے شہر میں

ہو کے وہ رہ گیا، آپ کے شہر کا

جس نے رکھا قدم، آپ کے شہر میں

اک نہ اک دن ملاقات ہو جائے گی

آتے رہتے ہیں ہم، آپ کے شہر میں

رنگ اس موسم میں بھرنا چاہئے

 رنگ اس موسم میں بھرنا چاہیے

سوچتی ہوں پیار کرنا چاہیے

زندگی کو زندگی کے واسطے

روز جینا، روز مرنا چاہیے

دوستی سے تجربہ یہ ہو گیا

دشمنوں سے پیار کرنا چاہیے

پیار کا اقرار دل میں ہو، مگر

کوئی پوچھے تو مکرنا چاہیے

انجم رہبر

اک سانولی سی لڑکی

 اک سانولی سی لڑکی، ایک باؤلی سی لڑکی

کچی ہے عمر جس کی

کچھ دن سے جانے کس کی

چاہت میں کهو گئی ہے

دیوانی ہو گئی ہے

کیا جانے خواب کس کا

آگ بہتے ہوئے پانی میں لگانے آئی

 آگ بہتے ہوئے پانی میں لگانے آئی

تیرے خط آج میں دریا میں بہانے آئی

پھر تِری یاد نئے خواب دکھانے آئی

چاندنی جھیل کے پانی میں نہانے آئی

دن سہیلی کی طرح ساتھ رہا آنگن میں

رات دشمن کی طرح جان جلانے آئی

تم کو بھلا رہی تھی کہ تم یاد آ گئے

 تم کو بھلا رہی تھی کہ تم یاد آ گئے

میں زہر کھا رہی تھی کہ تم یاد آ گئے

کل میری ایک پیاری سہیلی کتاب میں

اک خط چھپا رہی تھی کہ تم یاد آ گئے

اس وقت رات رانی مِرے سونے صحن میں

خوشبو لٹا رہی تھی کہ تم یاد آ گئے

جن کے آنگن میں امیری کا شجر لگتا ہے

جن کے آنگن میں امیری کا شجر لگتا ہے

ان کا ہر عیب زمانے کو ہُنر لگتا ہے

چاند تارے میرے قدموں میں بِچھے جاتے ہیں

یہ بزرگوں کی دعاؤں کا اثر لگتا ہے

ماں مجھے دیکھ کہ ناراض نہ ہو جائے کہیں

سر پہ آنچل نہیں ہوتا ہے تو ڈر لگتا ہے

انجم رہبر

محبتوں کو سلیقہ سکھا دیا میں نے

محبتوں کو سلیقہ سکھا دیا میں نے

تِرے بغیر بھی جی کر دکھا دیا میں نے

بچھڑنا میرا تو قسمت کی بات ہے لیکن

دعائیں دے، تجھے شاعر بنا دیا میں نے

جو تیری یاد دلاتا تھا، چہچہاتا تھا

منڈیر سے وہ پرندہ اڑا دیا میں نے

دن رات برستا ہو جو بادل نہیں دیکھا

دن رات برستا ہو جو بادل نہیں دیکھا

آنکھوں کی طرح کوئی بھی بادل نہیں دیکھا

کیوں لوگ یہاں دیتے ہیں رشتوں کی دہائی

اس پیڑ پہ ہم نے تو کوئی پھل نہیں دیکھا

انسان درندوں کی طرح گھوم رہے ہیں

شہروں کی طرح کوئی بھی جنگل نہیں دیکھا

کچھ دن سے زندگی مجھے پہچانتی نہیں

کچھ دن سے زندگی مجھے پہچانتی نہیں

یوں دیکھتی ہے جیسے مجھے جانتی نہیں

وہ بے وفا جو راہ میں ٹکرا گیا کہیں

کہہ دوں گی میں بھی صاف کہ پہچانتی نہیں

سمجھایا بارہا کہ بچو پیار ویار سے

لیکن کوئی سہیلی کہا مانتی نہیں

غم زندگی کا مجھ پر بخدا اثر نہیں ہے

غمِ زندگی کا مجھ پر بخدا اثر نہیں ہے

ابھی لب پہ ہے تبسم ابھی آنکھ تر نہیں ہے

تِری رحمتوں کی شاید اسے کچھ خبر نہیں ہے

جو نہ دل کو دل بنا دے، وہ نظر نظر نہیں ہے

بھلا کیوں نہ ہو تعجب مجھے اپنی سادگی پر

میں اسی پہ مر رہی ہوں جسے کچھ خبر نہیں ہے

ملنا تھا اتفاق بچھڑنا نصیب تھا

ملنا تھا اتفاق ... بچھڑنا نصیب تھا

وہ اتنی دور ہو گیا، جتنا قریب تھا

میں اس کو دیکھنے کو ترستی ہی رہ گئی

جس شخص کی ہتھیلی پہ میرا نصیب تھا

بستی کے سارے لوگ ہی آتش پرست تھے

گھر جل رہا تھا میرا ... سمندر قریب تھا

یہ کون جا رہا ہے مرا گاؤں چھوڑ کے

یہ کون جا رہا ہے مِرا گاؤں چھوڑ کے

آنکھوں نے رکھ دیے ہیں سمندر نچوڑ کے

میں اپنی شکل ڈھونڈتی رہتی ہوں رات بھر

آئینے توڑ کے کبھی ۔۔ آئینے جوڑ کے

آندھی کا کوئی خوف نہ خطرہ ہواؤں کا

میں نے دیے بنائے ہیں سورج کو توڑ کے

ہاتھ یوں ہاتھ میں نہیں ملتا

ہاتھ یوں ہاتھ میں نہیں ملتا

پیار سوغات میں نہیں ملتا

پیار ملتا ہے پیار سے انجمؔ

پیار خیرات میں نہیں ملتا

انجم رہبر

اپنی آوارہ مزاجی کو نیا نام نہ دو

اپنی آوارہ مزاجی کو نیا نام نہ دو 

مجھ کو جنت سے نکلوانے کا الزام نہ دو

مے کدے بند بھی ہو جائیں تو پروا نہ کرو

کسی کم ظرف کے ہاتھوں میں مگر جام نہ دو

انجم رہبر

سچ بات مان لیجئے چہرے پہ دھول ہے

سچ بات مان لیجیے چہرے پہ دھول ہے

الزام آئینوں پہ لگانا فضول ہے

تیری نوازشیں ہوں تو کانٹا بھی پھول ہے

غم بھی مجھے قبول، خوشی بھی قبول ہے

اس پار۔۔ اب تو کوئی تیرا منتظر نہیں

کچے گھڑے پہ تیر کر جانا فضول ہے