ابر لکھتی ہے کہیں اور گھٹا لکھتی ہے

 ابر لکھتی ہے کہیں اور گھٹا لکھتی ہے

روز اک زخم مِرے نام ہوا لکھتی ہے

زرد پتوں کی چمکتی ہوئی پیشانی پر

ہے کوئی نام جسے باد صبا لکھتی ہے

جو مِرے نام سے منسوب نہیں ہے لیکن

وہ فسانہ بھی مِرا خلقِ خدا لکھتی ہے

کوچۂ سنگ ملامت کے سب آثار کے ساتھ

کوچۂ سنگ ملامت کے سب آثار کے ساتھ

آ گئے دشت میں ہم بھی در و دیوار کے ساتھ

دشت وحشت نے مِرے نوچ لی شب کی پوشاک

توڑ دی پاؤں کی زنجیر بھی جھنکار کے ساتھ

میری تنہائی میں اک وجد کی کیفیت ہے

رقص کرتا ہوں میں اک عالم اسرار کے ساتھ

آج پھر روبرو کرو گے تم

 آج پھر رو برو کرو گے تم

مجھ سے کیا گفتگو کرو گے تم

مجھ سے لو گے مِرے لہو قصاص

پھر مجھے سرخرو کرو گے تم

حیف ہو میری بد مزاجی پر

آپ اپنا لہو کرو گے تم

شکستہ جسم دریدہ جبین کی جانب

 شکستہ جسم دریدہ جبین کی جانب

کبھی تو دیکھ مِرے ہمنشین کی جانب

میں اپنا زخم دکھاؤں تجھے کہ میں دیکھوں

لہو میں ڈوبی ہوئی آستین کی جانب

ان آسمان مزاجوں سے ہے بلا کا گریز

پلٹ رہا ہوں میں اپنی زمین کی جانب

وقت سے کھینچ کے رفتار الگ رکھی ہے

 صورت گردشِ پرکار الگ رکھی ہے

وقت سے کھینچ کے رفتار الگ رکھی ہے

اپنے سائے سے الگ رکھا ہے سایہ اپنا

اپنی دیوار سے دیوار الگ رکھی ہے

اپنے کس کام کی، لے جاؤ اٹھا کر اس کو

وہ محبت کہ جو بے کار الگ رکھی ہے

کچھ یقیں سا گمان سا کچھ ہے

 کچھ یقیں سا، گمان سا کچھ ہے

جو بھی ہے میری جان سا کچھ ہے

ہاتھ میں ہے مہارِ ناقۂ خاک

سر پہ اک سائبان سا کچھ ہے

فاصلے ختم ہو گئے، لیکن

پھر بھی اک درمیان سا کچھ ہے

مسل دیا ہے درندوں نے جن صداؤں کو

 مسل دیا ہے درندوں نے جن صداؤں کو

وہ چیخ ہے جو کلیجہ ہلا کے رکھ دے گی

حکومتوں سے کہو جلد احتساب کرے

یہ آگ ورنہ زمیں کو جلا کے رکھ دے گی

جب آنسوؤں کی صدا حشر بن کے اٹھے گی

یہ تخت و تاج ہوا میں اڑا کے رکھ دے گی

عجب نہیں ہے کہ الزام میں نہیں آتا

 عجب نہیں ہے کہ الزام میں نہیں آتا

ہمارا نام کسی نام میں نہیں آتا

میں کھولتا ہوں بدن کی گرہ تسلسل سے

مگر جنون کے افہام میں نہیں آتا

کسے ملال ہے زخموں کی رائیگانی کا

ہمارا درد کسی کام میں نہیں آتا

وہ کس کے ہاتھ میں ہے رخش انقلاب کی باگ

 چیختے آنسو

وہ کس کے ہاتھ میں ہے رخشِ انقلاب کی باگ

وہ اڑ رہا ہے ہواؤں میں کیسا سرخ غبار

پڑے ہیں خاک پہ بکھرے ہوئے لہو کے گلاب

فضا کو چیر رہی ہے کسی دھوئیں کی لکیر

ہوا ہے خطۂ ارضِ جحیم کی صورت

مِری زمیں کا ہر اک قریۂ بہشت نظیر

نوک نیزہ پہ وہ سر بول رہا ہے دیکھو

ایسا لگتا ہے کہ لب کھول رہا ہے دیکھو

نوکِ نیزہ پہ وہ سر بول رہا ہے دیکھو

لفظ وہ بھی ہے جو ادراکِ سماعت میں نہیں

میرے کانوں میں وہ رس گھول رہا ہے دیکھو

مجھ میں دم توڑ رہا ہے مِرے خوابوں کا چناب

کون آنکھوں میں گہررول رہا ہے دیکھو

دیکھ اے میرے مسیحا ترا بیمار گیا

نذرِ میر

’میں تو سمجھا تھا کہ اے میر یہ آزار گیا‘

دیکھ اے میرے مسیحا! تِرا بیمار گیا

کچھ تو کہہ شہرِ عدم کیسا ہے وہ سرو سخن

لوٹ کر وہ نہیں آیا کہ جو اک بار گیا

دل نہیں تھا وہ کسی شامِ غریباں کا چراغ

جس کو خود اس کی ہی تنہائی کا غم مار گیا

وہ حسن کہ جو چشم خریدار میں آوے

نذرِ غالب

وہ حسن کہ جو چشمِ خریدار میں آوے

وہ بھی کوئی یوسف ہے جو بازار میں آوے

وہ سرد سخن سخن جب کبھی گفتار میں آوے

اک تازہ شکن وقت کی رفتار مین آوے

اندیشۂ فردا ہے، کہ احساسِ زیاں ہے

کیوں، خم یہ مِرے جسم کی دیوار میں آوے

چشم خونناب ہے اک سیل رواں میرے بعد

رنگ اورنگ سلیماں ہے کہاں میرے بعد

چشم خونناب ہے اک سیل رواں میرے بعد

سرمۂ چشم غم جاں تھا مِری آہوں کا

اب تو آوارہ وحشت ہے دھواں میرے بعد

جو مِرا محرم اسرا نوا تھا اے دوست

ہے وہی نغمۂ شام گزراں میرے بعد

طشت از بام کر دیئے جائیں

طشت از بام کر دیئے جائیں

اور بدنام کر دیئے جائیں

اب متاعِ غمِ حیات کے ساتھ

دل بھی نیلام کر دیئے جائیں

سب چراغانِ آفریدۂ شب

سحر ہنگام کر دیئے جائیں

مقتل میں چمکتی ہوئی تلوار تھے ہم لوگ

مقتل میں چمکتی ہوئی تلوار تھے ہم لوگ 

جاں نذر گزاری پہ بھی تیار تھے ہم لوگ

ہم اہلِ شرف لوگ تھے اس شہر میں، لیکن 

رسوا بھی سرِ کوچہ و بازار تھے ہم لوگ

کام آتے نہ تھے ہم کو بس اک کارِ جنوں کے 

دنیا کی نگاہوں میں تو بے کار تھے ہم لوگ

ہجر سے ہو نہ ہی وصال سے ہو

ہجر سے ہو نہ ہی وصال سے ہو

ہو محبت تو اس کمال سے ہو

یہ جو آئینہ چپ ہے، ممکن ہے

محوِ حیرت ترے جمال سے ہو

نقشِ گر! کیا خبر کہ تیرا وجود

خود کسی نقش کے خیال سے ہو

ابتدا سے میں انتہا کا ہوں

ابتدا سے میں انتہا کا ہوں

میں ہوں مغرور اور بلا کا ہوں

تٗو بھی ہے اک چراغِ مہلت شب 

میں بھی جھونکا کسی ہوا کا ہوں

پھینک مجھ پر کمند ناز اپنی 

آج میں ہم سفر صبا کا ہوں

غموں کی رات ہے اور اتنی مختصر بھی نہیں

غموں کی رات ہے اور اتنی مختصر بھی نہیں

بہت دنوں سے تمہاری کوئی خبر بھی نہیں

اے شہرِ دل! تِری گلیوں میں خاک اڑتی ہے

یہ کیا ہوا کہ یہاں کوئی نوحہ گر بھی نہیں

تُو میرے ساتھ نہیں ہے تو سوچتا ہوں میں

کہ اب تو تجھ سے بچھڑنے کا کوئی ڈر بھی نہیں