رنگ اورنگ سلیماں ہے کہاں میرے بعد
چشم خونناب ہے اک سیل رواں میرے بعد
سرمۂ چشم غم جاں تھا مِری آہوں کا
اب تو آوارہ وحشت ہے دھواں میرے بعد
جو مِرا محرم اسرا نوا تھا اے دوست
ہجر کے دشت میں اے میرے مسافر تنہا
کیسے گزرے گی شب کوہ گراں میرے بعد
ہاں اڑے گی وہ تِرے قصر رعونت پر خاک
حسن ہو جائے گا صحرا کی اذاں میرے بعد
رونق کوچۂ قاتل تو ہے آباد ابھی
میری وحشت ہے نواسنج فغاں میرے بعد
میں ہوں خود اپنی ہی تہذیب سخن کا قاتل
کون سمجھے گا یہاں میری زباں میرے بعد
مجھ سے پوچھے ہے یہ آشفتہ بیانی میری
کون ہے شاہد شوریدہ بیاں میرے بعد
شاہد کمال
No comments:
Post a Comment