میں ترے عشق پہ ایمان نہیں لا سکتی

 میں تِرے عشق پہ ایمان نہیں لا سکتی

معذرت ہے کہ مِری جان نہیں لا سکتی

گر تُو چاہے تو مِرے درد مجھی سے سن لے

اب میں دیواروں کے تو کان نہیں لا سکتی

یہ جدائی ہی مقدر ہے، مگر میری دعا

عرش سے وصل کا فرمان نہیں لا سکتی

گر تِرے دل کی گواہی بھی مِرے حق میں نہیں

ہاتھ پہ رکھ کے میں قرآن نہیں لا سکتی

تُو جتاتا بھی رہے مجھ سے محبت، لیکن

اب میں وہ پہلی سی پہچان نہیں لا سکتی

اس کی اک ایک نشانی میں جھلک ہے اس کی

میں تیرے سامنے رحمان نہیں لا سکتی

مالا راجپوت